محاورة

بسم الله الرحمن الرحيم
السلام عليكم ورحمة الله وبركاته ..

سلام خطت به يديني وانطقت فيه الشفاه= للغايب الحاضر خصوص وللعموم الحاضرين
يابو طلال الذيب في وادية والا في خلاه= مرت شهور وصاحبك ما عاد عنده ساكنين

ابو شهد

وعليكم السلام ورحمة الله وبركاته

يامرحبا وعداد سيلً لاح برقه من سماه=من بعد مدقاله غدو كل الضوامي مرتوين
والذيب مدري فين بات ولاسمعت الا عواه=باقي يجي عنه الخبر واللي غبا لازم يبين

تبقا وتسلم يا شميم الراس يا تركت ولآه= يا مطلق(ن) قدره علا فوق الهدب والحاجبين
الذيب بيت في الفضا لين الفضا ضيق فضاه= ضاقت عليه الدايره بين الثلاثه والثنين

ابو شهد

الله يعطيكم الف عافية مبدعين ومتميزين ..

واحنا ترانا متابعين .. لا تحرمونا من ابداعكم ..

تحياتي وتقديري

الذيب لو دارت عليه الدايره درّج خطاه=انا اخبره صيّاد ماهر مايصيد الا سمين
لامن هجم بين الرعيه صاد صيده وانتقاه=ياحى لي ذيب الخلا ياحي لي الصيد الثمين

المشاركة الأصلية كتبت بواسطة صليب الراس

الله يعطيكم الف عافية مبدعين ومتميزين ..
واحنا ترانا متابعين .. لا تحرمونا من ابداعكم ..
تحياتي وتقديري

.................................................. ..................................
حىالله صليب الراس ومادام انك حاضر شاركنا

صليب الراس دمت وبقيت

يابو طلال الذيب في ذيك اليالي من جفاه= ماكان يعوي من عدا لكن حده معتدين
انت ابخص بما صار والخافي يبين لك خفاه= الحاكم الوالي حكمها ما سمع للمدعين

ابو شهد

ياابوشهد مايشهد الشاهد على اللي مايراه=ولايحكم القاضي بدون اثبات والا شاهدين
والزور لازم ينكشف حتى ولو طوّل مداه=غير المصيبه لاغدى القاضي من اللي مرتشين

ماكان حاضر وانت حاضر والله اعلى في سماه= والقوم ما همت علي الا رضا للحكمين
وان كان زلت صاحبي تحسب علي تبت يداه= من تذبحه جنبيته ماله عزا في الميتين

ابو شهد

مبدعيَن
الله يعطيكم العافية
تقديري واحترامي .