مرحبا ياكناني

هذه قصيده ترحيبيه باالكناني واتمنا ان يشرفني باالرد

البدع

مرحبا بك ياكناني عندنا في منتدى رباع=
مرحبا في منتدى واهله هم اهل الجود واهل الضيفه=
اللي مبداهم شريف وصيتهم معروف بين الناس=
قدمني صقرالجنوب وقال ميدي ياسبيه رحّب=
والصقر قيدومنا وايمامنا يأمر ولا نعصاه=
مرحبا وعداد مايشرق شعاع الشمس وتضي قمرا=
عد ماتبدي النجوم الزاهيه ويضيّ قمرها=

مرحبا وعداد مايشرق شعاع الشمس وتضي قمـرا

صح لسانك يابطل

صح لسانك وبيض الله وجهك
شاعر المنتدى كلمة شكرا قليلة في حقك على هذا الكلام وعلى هذا الترحيب نيابة عن الجميع بالشاعر الكناني الذي نتمنى ان نرى رده ومشاركة الشعار القصائد والابداع

مرحبا بك ياكناني عندنا في منتدى رباع=
مرحبا في منتدى واهله هم اهل الجود واهل الضيفه=
اللي مبداهم شريف وصيتهم معروف بين الناس=
قدمني صقرالجنوب وقال ميدي ياسبيه رحّب=
والصقر قيدومنا وايمامنا يأمر ولا نعصاه=
مرحبا وعداد مايشرق شعاع الشمس وتضي قمرا=
عد ماتبدي النجوم الزاهيه ويضيّ قمرها=

السلام عليكم ورحمة الله وبركاته
الله يعطيكم العافيه جميعا والحقيقه شي ماهو غريب عليكم اهل كرم وجود ويعلم الله اني تشرفت بمعرفتكم وفرحتي ماتقدر بثمن مادام اني بينكم , السبيّه صح لسانك قصيدة رائعه واتمنى انك تتقبل ردي المتواضع واعذروني على التاخير

الغنايم و زُعت للناس من نصفّ و من رباع

والموازين الذي في السوق باين نقصها والضيفه

ياهني اللي عرف قدره و ونس خاطره و ناس

لاتضيق خاطرك و الدرب قدامك و سيع رحب

من تعرض للمتالف لانت اقدامه و لان أعصاه

واتعس الناس الذي يعجز عن التفكير ويضيق امرا

ينظر الدنيا بمنظار العجز و يضيق امرها


تقبلوا تحياتي : الكناني'

صح لسانك رد رائع من شاعر رائع مبدع ..

بارك الله فيك سعدنا بوجودك ياشاعر

ياسلاااااام أبدع السبيه كعادته

ورد الكناني من أجمل ما قرأت

صحت ألسنتكم والله

صح لسانك ياكناني على هذا الرد الوافي رد شاعر متمكن
واشكر كل من شرفنا بمروره الكريم على هذه الصفحه