اعلن اجرااااااااااامي

يا نور عيني عطيتك صفوت ايامي=عطيتك افراحها وابقت ألأحزاني
عطيتك القلب واعطيتك من احلامي=اجمل خيالات ترسمها لك اعياني
لحظات فكري غدت تسري بك اهيامي=يهيم قلبي مع افكاري وينساني
لا جيت ببعد خفوقي يسبق انسامي=وكل ما ابعد احس الشوق ناداني
طاريك في شد همي يشفي اسقامي=لا حل شفت الفرح والسعد غطاني
غديتي البوح وانتي مصدر الهامي=انتي قصيدي ونثري وانتي الحاني
الله حسيبك جرحتي قلبي الظامي=ودك تهديه والا تسكتي الساني
شديت يمك رحالي واحزم احزامي=زادي غرامك وشربي شوقك الجاني
اخاف طول السفر يرهق لي اقدامي=واخاف من كثر شوقك تذبل اغصاني
اعلنت حبك ولا حاسبت ليّامي=لاموا جنوني وتصريحي بنيراني
كان الوفاكفر يالي تطعن اسلامي=فانا الوفا في فؤادي قمة ايماني
ان كان حبك جريمه فاعلني اجرامي=وان كان شوقك جنوني فاعلن اجناني