فراخ بالصلصة والليمون على الطريقة الصينية

فراخ بالصلصة والليمون على الطريقة الصينية

ممكن تقدّمي رز أبيض مع الفراخ

النهارده هنعمل الفراخ بطريقة جديدة من المطبخ الصيني، جرّبوها وابعتوا لنا رأيكم فيها..

فراخ بالصلصة والليمون
المقادير:
½ كيلو شيش طاووق
بصلة متوسطة الحجم مفرومة فرما خشنا
3 ثمرة طماطم متوسطة الحجم ومقطعة قطعا صغيرة
½ ملعقة صغيرة حبهان مطحون
ملعقة كبيرة صلصة طماطم
2 مكعب مرقة الدجاج
½ ملعقة صغيرة كركم
2 ملعقة كبيرة زيت
عصير ليمونة صغيرة
½ ملعقة صغيرة قرفة
2 فص ثوم مفروم
1 ½ كوب ماء
ملح وفلفل

الطريقة:
1- سخّني الزيت في طاسة كبيرة، وحمّري مكعبات الفراخ من جميع الجهات، وبعد كده طلّعيها وحطّيها على جنب.

2- في نفس الطاسة، ضيفي للزيت البصل وشوّحيه لحد ما يحمرّ لونه، وضيفي عليه الثوم المفروم، والكركم، والقرفة، والحبهان، وقلّبيهم مع بعض لمدة دقيقتين.

3- ضيفي بعد كده الطماطم والصلصة ومرقة الدجاج وعصير الليمون، وسيبي المزيج لحد ما يغلي، وضيفي عليهم الفراخ اللي حمرناها، وغطّيها لمدة تلت ساعة لحد ما تستوي كويس، وبعد كده قدّميها مع رز أبيض.. وبالهنا والشفا.