جوال يفضح المخطوبين ويفسخ الخطوبه وينهي العلاقه بينهم !!

رن جرس الموبايل للمرة الخامسة
يعني كان يدق اكثر من مره وردت عليه الخطيبه ...
.
الخطيب: أعتقد أنا انسان مو ....
تطنشيني وماتردين على تيلفوناتي.

الخطيبة: رد السلام في الاول وبعدين نتفاهم.

الخطيب: اش راح يكون عذرك
يعني بتقولين كنت نايمة ولا قاعدة مع أمي وخواتي.

الخطيبة: الله يسامحك تتهمني قبل ما تسمع مني.

الخطيب: بصراحة الأمر واضح بدون ماتوضحين ..
ليش ماتردين على تيلفوناتي اكيد
كنت مشغولة مع غيري
ما كنتي فاضية لي؟

الخطيبة: بصراحه فعلا كنت مشغولة مع غيرك.

الخطيب: منهو هذا اللي ماخذ عقلك وكل تفكيرك
لدرجة ما خلاك تردين على تيلفوناتي؟

الخطيبة: بصراحه لما أكون معاه أنسى الدنيا وما فيها
فلازم ياعزيزي تعذرني.

الخطيب: وبكل وقاحة تقولين هذا الكلام قدامي
وحنا بعدنا مخطوبيين اجل لو تزوجنا اش كنتي بتسوين ؟

الخطيبة: الله يسامحك ما في داعي للغلط مادمت انا ما غلطت عليك.

الخطيب: كل هذا وما غلطتي..
تطنشين تيلفوناتي وماتردين علي
4اتصالات طول اليوم ولما رديتي الحين
تقولين لما أكون معاه أنسى الدنيا وما فيها كل هذا وما غلطتي؟

الخطيبة: هذا ماحصل فعلا كنت مشغولة معاه وما قدرت ارد على تيلفوناتك.

الخطيب: الظاهر ما راح نقدر نكمل هذي العلاقة
فخليك مع اللي كنت مشغولة معاه
و اللي فضلتيه علي.

الخطيبة: جزاك الله خير هذا أحسن شي سويته.اوووف

الخطيب باستغراب: ليش انتي فرحانة لفسخ الخطوبة ؟؟
ومنو هذا اللي ضحيتي فيني علشانه؟

الخطيبة: أنا فرحانة لان اتصالاتك الأربعه اليوم كشفت لي شيء خطير

يبعدني عنك
و يخليني أصمم على فسخ الخطوبة.

الخطيب باستغراب: ممكن تفهميني أكثر.

الخطيبة:انت اتصلت فيني اليوم الساعة 11.45 ظهرا
و الساعه 3.45عصرا
و الساعة6 المغرب
والساعه 8مساء
وهذا هو اتصالك الخامس اللي تكلمني فيه

الخطيب: شيء عجيب انك تتذكرين حتى ساعة الاتصال بكل دقة.

الخطيبة: أتذكرها لأنها الأوقات اللي أكون فيها مشغولة مع من أحب
و اللي أنسى كل شيء من أجله
و بذات لما أكون معاه في هذي الأوقات..
و أنا الآن فرحانة لأني اكتشفت انك مشغول
عن من هو أحق بانشغالك به،
تحب تعرف أنا مع مين كنت؟

الخطيب: منو ؟

الخطيبة: كنت مع الله،لأنك كنت تتصل فيني في اوقات الصلاة
الوقت اللي أكون فيها منقطعة عن الدنيا
وما فيها ،
و أنا ماأقدر أرتبط في انسان لاتربطه صلة بالله.

أغلقت الخطيبة التيلفون بوجه خطيبها
بعد أن قررت هي الابتعاد عنه.

قصة تستحق التفكير كثيراً !!

منقول من بريدي الذهبي