مصافحة (( صب لــ أعماقي فناجيل الغلا ))

سيداتي و سادتي
يسرني أن أصافح ذوائقكم بهذه الهمهمات فلا تعتقوها من خناجر نقدكم

ما نطقت الآه من جرح الهوى لي مده=و أحسب أن الريح لا يمكن تهز أغصاني
سيف عشقي في خريفي ما جرحني حده=كم ربيع ما قطفت الورد من بستاني
لا البحر لا ساحله لا جزره و لا مده=صار يقدر يستثير الملح من وجداني
صرت أحسب أني نسيت الحب و العن جده=و اعتقدت أن الهوى مثلي نسى عنواني
لكن في لحظه و بالصدفه و أنا في جده=ما دريت إلا و أنا في مرتع الغزلاني
ساقني حظي و قلبي أعرفه ما وده=لا يحب و لا يعذبني و لا يعصاني
لكن أنه للأسف من بعد طول المده=لذ له وش سوت الغزلان في ميداني
من ميول القلب وجهي أستحي و أسوده=ما توقعت ابسهوله يستحل أوطاني
ليش هو بالذات عن غيره أدور وده=مدري لكن الأكيد أنه سكن قيفاني
قبل أفكر في الطريق اللي تصافح يده=ليله الحالك سواد اجتاحني و أعماني
آه متعبني السفر متأمل ن في خده=كل درب غصب خذني عنده و وداني
قلت من وين انت طبعاً.. انتشي من قده؟=ما هوب أي أنسان يعجب خالد الزهراني
قال باللهجه الحجازيه أنا من جده=عشت فيها لكن أصلي مرجعه لبناني
أي غزلان أجتمع فيه النقيض و ضده=حزب متشدد و متطرف معى علماني
تهت و أنا حايرٍ في هزله و في جده=اشهد أنه قادرٍ يآمرني او ينهاني
أن طلبته من كفوف الوصل هيله مده=صب ل عماقي فناجيل الغلا و اسقاني
و أن طلبني الدلو يشرب قلت ما بي شده=أسحب الحبل و يغني طائر الأشجاني
و الجدار اللي بنيته مال بي و انهده=نظرة أعيونه تضيع ما بناه الباني
و الله أن الخوف ما هوب أني أفضح سده=الخوف أني لو بغيت ألقاه ما يلقاني
وحدها الغزلان تقدر تاخذه و اترده=قلب لا يمكن يذوب و يروي العطشاني
الشبه في ضحكه و حكيه و مايس قده= كلها تلعب بحسبة خالد الزهراني
باب جا لي منه ريح أرتاح لو أسده=و الأحسن لو أقسم أني ما عد أعشق ثاني

حياك الله ياشيخ خالد تراحيب الغلا وصح لسانك وعلى شانك

والله ياخيه انك شاعر تعزف على وتر الابداع
شاعر متمرس تملك عذوبة الحروف وتأسر القلوب
صح لسانك وبنانك وعلا شانك


قلت من وين انت طبعاً.. انتشي من قده؟
ما هوب أي أنسان يعجب خالد الزهرانـي

صح لسانك خالد ماشاء الله تبارك الله قصيدة ما عليها غبار ومرة ثانية خالد صح لسانك

خالد بن جلسه

هنا يكون للشعر طعم اخر

ونكهة اخرى

هنا الجمال

وهنا انت

من أين أتيت أيها الجميل

الرائع

المتميز

المتربع على عرش الكلمة

والمنفرد بالجمال الشعري والذائقة العذبة


قصيدة رائعة بروعة خالد الزهراني

دمت صديقي الأعز

صح لسانك ياستاذ خالد

قصيدة تنضح بالعذوبة والاتقان لشاعر اكتملت معه دائرة الابداع

ننتظر جديدك استاذي الكريم.....تقبل مروري

أمانه إنها فرعه ... وفقك الله ياخالد الزهراني..

مرحبا بك ياخالد في قلوبنا قبل ارجاء المنتدى حللت اهلا ووطأت سهلا

صح لسانك ملايين والله يعطيك العافيه ويجمل حاااااااالك

* لكن خوفي
ان المصافحه يعقبها فراق مباشر

دمت بألف خير