كيف ارسل بلوتوث من الايفون لـ اي جهاز ثاني

# كيف ارسل بلوتوث من الايفون لـ اي جهاز ثاني ( لاب توب او جوال عادي ) .. ملفات صور نصوص صوت فيديو اي شي ..

للاسف البلوتوث لحد الحين وعلى حسب علمي مافيه برنامج يرسل ويستقبل لكل الاجهزة كما كان بالسابق مع الجيل الثالث ios3 وبرنامج الاي بلونوفا
اما الان مع الجيل الرابع ios4 فانت قادر على الارسال والاستقبال مع اجهزة آبل فقط ( آي فون - آي باد - آي بود ) تستطيع الارسال والاستقبال عبر البلوتوث صور وفديو ودردشة كتابية وصوتية كالكنود وله مسافة معينه
وهذه البرامج مجانية بالاب ستور ما عدا القليل


الايفون ليس به خاصية البلتوث وهذا هو العيب الوحيد فيه

لا اخوي الاي فون فيه بلوتوث كهارد وير اما كسوفت وير فلا يعطوك برنامج يرسل ويستقبل لكل الاجهزة منعاً للفيروسات كما هو الحال بجميع الاجهزة اما الارسال والاستقبال من نفس النوع فالبرامج موجوده بالاستور


# ابغى افضل برنامج تسجيل مكالمات .

بصراحه من استخدامي للاي فون الى الان لم افكر في مثل هذا البرامج لانه راحت ايامه مع النوكيا
ولكن ممكن يكون فيه وعليك بطلبه من الموضوع مثبت باعلى القسم لطلبات البرامج


# ابغى برنامج يشغل الـ FM .

فيه عدة برامج للراديو اكتب FM في بحث الاي تونز وراح تطلع لك النتائج



# الملفات المضغوطه شلون انزلها وافك ضغطها ع الايفون !!

بهذه النقطه تحتاج الى جيل بريك وبرنامج باسم ifile لتصفح ملفات الاي فون
ولكن انت اي شيء تبي تنزله فك ضغطه قبل التنزيل على الاي فون سواء كتب الكترونية ولا مفكرات txt الخ بعدها تحطه بمسار البرنامج المشغل



# كيف اشغل ملفات الريل بلير ع النت من الآيفون ؟!

اخوي انت قصدك الصيغ اللي يشغلها الريبلير مثل ram& rm&wave الخ
عند تصفح مواقع الانترنت بجهاز الكمبيوتر لا تستطيع التشغيل المباشر إلا لو كنت مركب برامج اضافية مثل الريل بلير
وكذلك بالاي فون لابد من تركيب برامج اضافية مثل ( Oplyer - VLC )



# وش افضل مضاد فايروسات للآيفون ؟؟

الجهاز محمي تماماً ولا حاجة للحماية مالم يعمل له جيل بريك
اما في حالة اختراق النظام وكسر حماية ابل بالجيل بريك فانت بحاجة الى خطوات لحماية جهازك
تابع هالموضوع : [ iPhone ]بعد عمل الجيل بريك مباشرتاً تفضل بالدخول هنا سورسات + الادوات المهمه + الحماية



# كيف افتح موقع يعتمد ع الفلاش ؟! ( مثل قيمزر وغيره )

يوجد مشغلات فلاش من السديا لفتح المواقع الفلاشية البسيطة اما القيمزر فلا يمكن فتحه بالاي فون منذ تاريخه حتى الان
وستيف جوبز يصف برنامج الفلاش من Adobe بالغباء وقد الغى كل تعاملاته مع الشركة وخصص مهندسين بهذا المجال لتطوير تطبيقات اجهزة الاي فون ومشتقاته ونجح في تكوين اكبر ستور للتطبيقات للاجهزة الذكية وبهذا نكتشف ان اغراضه ربحيه فلو سمح بالفلاش في اجهزتهم لما حصل على كل هذه المكاسب من استور التطبيقات , ولكن ارى ان الجوده والدقه لتطبيقات آبل افضل من لو استخدمنا التطبيقات الفلاشية
ومع هذا كله فلا غنى عن الفلاش والجافا التي اراها من اكبر عيوب الاي فون


# الجلبريك هل يضر الجهاز !! او يسبب بقفله من آبل !! <~ قولوا لي كل مشاكله بالراحه .

الجيل بريك يصلح للي مو راضي باحتكار ابل للتطبيقات ولا عنده استطاعة الدفع للشركة في كل تطبيق مدفوع
ولكن عيبه الوحيد هو في حالة اتلاف او عطب الجهاز فلا يوجد لك ضمان من الشركة ( يسقط الضمان للاجهزة المعمول لها جيل بريك )
اما بقية المشاكل فهي طبيعية جداً وتعتبر من المستخدم نفسه
مثال : في برامج تشفط بطاريه ويجب التحاشي عنها
اما الميزات فهي كثيرة ومن اهمها
الحصول على التطبيقات المدفوعه مجاناً
الحصول على تطبيقات تعدل على النظام ليناسب احتياجاتك
القدرة على تركيب الخدمات المحتكرة على شركة معينة مثل فك القفل - تشغيل الفيس تايم لاجهزة الشرق الاوسط او على 3gs
القدرة على تغيير شكل العرض للاي فون كلياً ( بتركيب الثيمات )
وغيرها الكثير


# وش الفيزا كارد الموجوده بالبنوك السعودية والمسموح بإستخدامها في ابل !! <~ الراجحي يقول ابل محجوب التعامل معاها .

الاهلي والرياض مسبقة الدفع
ولكن انصحك الابتعاد عنها لان سلبياتها واجد ولان غرضك بسيط وليس كشراء آي فون مثلاً
في هذه الحالة تقدر تشتري بطاقة آي تونز مشحونة وهي تباع في عدة مواقع : http://www.menelbet.com/shoppingcart/ ومحلات مثل جرير وغيرها
بالنسبة للمواقع وليس كل موقع مضمون
اولاً : تحول لهم المبلغ المطلوب ويعطوك الكود تحطه بحسابك والف مبروك اشتر متى ما تبي ؟


اخر سؤالين اهم سؤالين في الموضوع كله من اوله لآخره
لان مطلع فيزا عشان اشري برامج بالاخير طلعت محجوبه ..
عادي اخوي روح للبنك وقلهم ما قدرت اشتري فيها واطلب منهم استرجاعها لانك ما طلبت البطاقه إلا لهذا الغرض وطلع بطاقة الاهلي او الرياض واسئلهم قبل تطلع حتى تحطهم بالصوره لاني اخبر هالثلاث بطائق تقدر تشتري فيها عادي واغلب طلبات الاي فون من برى باحد هذه البطائق

وان شاء الله الاخوان يفيدوك اكثر

لك خالص ودي واحترامي