وترحل

هذه القصيده اخر انتاج علي السبيه الغلبان
ان مريتم مشكورين وان طنشتم مشكورين

قالت وترحل قلت وين ارحل عسى عمرك طويل=قالت ترى ماقصدي الرّحله على دار الاياب
القصد ترحل في سماء الاشواق والحب الجميل=قلت الفراق المُرّ ما في رحلته غير العذاب
قالت على فكره عرفت اسمي وقلت اهواه حيل=اسمك غلا ياحلوتي في داخل الوجدان ذاب
قالت تسلّى وانتعش ياصاحب الجسم الهزيل=وقلت جرحك منتعش حتى المداوي منه طاب
قالت تذكّر ياعلي الذكرى ترى تبري العليل=وقلت تاهت ذكرياتي بين صدّك والعتاب
اتذكّر اني سرت وحدي لا نديم ولا خليل=واحاول انسى وحدتي واقول انا توّي شباب
واتذكّر النسيان مرّه وادرك انه مستحيل=وادرك ضماء شوقي وحُبّي لكن اللقياء سراب
واسكن متاهات الزمان اللي جلا منها النزيل=والى تعذّر باب واحد ينفتح خمسين باب
يا غادره ومغادره ماللرجوع ولا بديل=الا تناهيد الذنوب اللي شكت سوط العقاب
ما كفكفت عيني من اجروح الدموع اللي تسيل=تسئل بنضره حايره والدمع ماغيره جواب
انا ادري ان الحب قاتل غير وش ذنّْب القتيل=والهجر سهمه مايحنّ ولا رحم حال المصاب
والشوق ضامي والعطاء مفقود من كف البخيل=ما غير قطرات العذاب اتهل من عين السحاب
والبدر غايب من سماه وغاب في ضِلّه سهيل=وصار ليلي سرمدي والنور يحجبه الضباب
قالت ترى حملك خفيف ولا بعد شلت الثقيل=وقلت عفوا وش بعد ماشلت من حمل الغياب
هم وجروح وشوق ومعاناه في قلبي وويل=ولا بقي الا اموت هايم واندفن تحت التراب

لله درك مدد لا عدد
هكذا يكون الشعر والاّ لعله ما يكون
استاذي القدير على السبيه انت نبراس يقتدى به
لازلت اردد لا زال الشعر بخير طالما يكتبه امثال السبيه
تقبل تحيتي وتقديري
ترانيم

الله يبيض وجهك ويعافي بدنك
قلت فابدعت كلام درر
ما شاء الله لاقوة إلا بالله

بيض الله وجهك ..يابو طلال..
الا غصب علينا نمر ..ونقف حائرين
امام كلماتك الموسيقيه..والعذبه
التي تزيد نبضات القلب ..ليزداد شوقا لابداعك
لك مني كل مايرضيك....

والشوق ضامي والعطاء مفقود من كف البخيل

ما غير قطرات العذاب اتهل من عين السحـاب

تصوير في غاية الروعه ..سلمت اناملك

المشاركة الأصلية كتبت بواسطة ترانيم المطر

لله درك مدد لا عدد

هكذا يكون الشعر والاّ لعله ما يكون
استاذي القدير على السبيه انت نبراس يقتدى به
لازلت اردد لا زال الشعر بخير طالما يكتبه امثال السبيه
تقبل تحيتي وتقديري

ترانيم

الله يسلمك ويغليك ياترانيم المطر واشكرك جزيل الشكر على هذا الكلام الطيب
اللي اعتبره تاج على راسي ومرورك يسعدني ويشرفني واعتبره تتويج لي
ولقصيدتي المتواضعه

المشاركة الأصلية كتبت بواسطة الرميصاء

الله يبيض وجهك ويعافي بدنك
قلت فابدعت كلام درر
ما شاء الله لاقوة إلا بالله

تسلمين ياالرميصاء يابنت الاجواد والابداع يتجلا في مرورك الكريم

المشاركة الأصلية كتبت بواسطة سمو انسان

بيض الله وجهك ..يابو طلال..

الا غصب علينا نمر ..ونقف حائرين
امام كلماتك الموسيقيه..والعذبه
التي تزيد نبضات القلب ..ليزداد شوقا لابداعك
لك مني كل مايرضيك....

والشوق ضامي والعطاء مفقود من كف البخيل
ما غير قطرات العذاب اتهل من عين السحـاب


تصوير في غاية الروعه ..سلمت اناملك

ووجهك ابيض ياسمو انسان والله يحييك تراحيب الغلا واشكرك
جزيل الشكر على تشريفك الغالي وكلامك الطيب ومرورك اعتبره
تاج على راسي

معان كثيفة و اعتلاء بديع يشهد بشاعريتك الفذة

سلم بوحك وعلا شانك

المشاركة الأصلية كتبت بواسطة دفاالروح

معان كثيفة و اعتلاء بديع يشهد بشاعريتك الفذة

سلم بوحك وعلا شانك

الله يسلمك ويغليك يادفالروح واشكرك جزيل الشكر على تشريفك الغالي

في قمـة الروعـــه والإبداع


أبدعت في إختياركـ للكلمــــــات
لا تحرمنا من قلمكـ المميز الذي ينثر أريجه المميز علينا


دروب الورد أمامكـ أخي علي

تقبل مروري هنا