وش بالقوافي..

وش بالقوافي صايراتن عسره=تشبه لشمسٍ عافت المشراقي
ما كنّها كانت لفكري مهره=شقّت عباب افكار كل آفاقي
وما كنّها كانت بزند الفكره=تقدح وتجمح للمجال الراقي
ياقاف,كنت آنا ارتمي في حِجره=واملأ عيونه لين يملأ احداقي
لاجاء يغازلني وحنّ النظره=خذاه فكري من يده مشتاقي
الله كم داعبت سَلسَل نحره=وآعانقه ما ملّ صعب إعناقي
واصابع الهاجس تخلخِل شعره=وترابط حروفه بغير وثاقي
وياكم قلبته من بَطَنه لظهره=واغرقت بحر الشعر منه إغراقي
مداعبٌ عجزه ملعّب صدره=ارشفه لين ايبلّ جفّ ارياقي
وياكم نزعت القافيه من سحره=تنساق شروى دمع حرّ فراقي
لكن يبدو انه نفذ به صبره=ما جاه قدح ولا لحقه احراقي
وين الذي لا مرّ زمجر بحره= لو كان صوبه ليس بالمنساقي
يا قاف وقِّف .صاحبك في ستره=ايمازحك واتجي معه صدّاقي
والله انّه ايعدك قناه وذخره=ما ينتخيك الا تجي سبّاقي

الله الله ياشيخ سمّارصح لسانك ملايييين

الله الله
صح لساااااانك ملاييين
رائع يا سمار
لا تحرمنا جديدك العذب

صح لسانك ... ولاهنت غمززززة

وننتظر جديدك ....تحيــــــــــــــــة

صح لسانك وعلا شأنك
قصيده رائعة و يعطيك الف عافية
تقبل مروري

الاخوة اللذين شرفوني بمرورهم العذب
ملك الليل
الهجير
المبدع
بدويه
اشكركم جزيل الشكر واتشرف باطراء امثالكم
لاهنتم ولا خلا ولا عدم