%%% (( تسمح لــي أتصوّر معك ؟؟؟؟؟ )) %%%

باقي على طبعك .. ولكن تطـوّرت

فـي شـي واحـد مايبـي لـه تـطـوٌّر

إنّـك علـى حائـط ملـفّـي تـسـوّرت

وأرسلت لي مرسـول بعـد التسـوّر

المَـرّه ذي معـذور يـومـك تـهـوّرت

وإنْ عدْتهـا تلـقـى عـقـاب التـهـوّر

أهـمّ شـيّ ماطحـت والا تـعـوّرت؟

ماقلت لي وش حاجتك وش تدوّر؟

تبغاني أفـرح فيـك وآقـول : نـوّرت

طيّب .. على عينـي وراسـي منـوّر

تسمح ليَ أتصوّر معك؟ ماتصـوّرت

أصلك من أوّل يـوم شفتـك مَصـوّر

صدّقنـي إنّـي مـن دخونـك تفـوّرت

علّمتـنـي كـيــف الـوثـايـق تـــزوّر

**

الشعر بحور وانت تتغوص في اعماق البحور ياالمبدع
وصح لسانك لين ترضى يا منبع الابداع ومنهله الصافي

صح لسانك مبدع يالمبدع خلني اتصور معك والا انا برضه مصور ههههه

تسمح ليَ أتصوّر معك؟ ماتصوّرت

أصلك من أوّل يوم شفتك مَصوّر



موفق بإذن الله ... لك مني أجمل تحية .

علي السبيه .... فهد قزعه ... نمر غامد

أسعدني مروركم وكل الشكر والحب والتقدير

لا هنتم والله يعطيكم العافيه

عنوان رائع ذكرتني بعبارة امير القصيم عندما طلب من احد الطلال المتفوقين وهو يهم بالخروج ان ناداه الامير بكل تواضع تسمح لي اتصور معك دلالة على تواضع امراءنا حفظهم الله

بيض الله وجهك اخي المبدع على هذه القصيدة فهي ابداع بشكل مختلف