بركان المشاعر

قرات في هذه الصفحه قصيده للأخت لمسه واعجبتني فقررت ان اكتب هذه المتواضعه

اتمنى ان تعجبكم ولكم مني التحيه

ثار بركان المشاعر واعلنت روحي عناها =وابتدت قصة هوانا لك ادين ولي تديني
يوم قفيتي ورحتي امتلت عيني بماها=وجهتي ضاعت ولادي عن شمالي من يميني
ضاقت الدنيا بعيني والقدم ضاعت خطاها=وانتحر صبري بصبري داخل القلب الحزيني
وين روحٍ سلمت لي واعلنت عني رضاها=وين الأيام الخوالي وينها ما عد تبيني
وين الأيمان الغليظه قلبي يذكر ما نساها=تذكرين الوعد والا ناسيه حلف اليميني
انصدمت ابكل كلمه في اذاني لك صداها=طاح تمثال التفاني والغدر به تقتليني
اه من حسره بقلبي خوفي لو توصل مداها=تحرق اعماقي ويبقى حبك الطاهر دفيني
قامت الايام تجري والقدر يجري وراها=اعتقد لو كان بيدك راحتي ما ترحميني
والحزن كنه لروحي تارك الدنيا وجاها= وش بقى للهمس عندك بالامانه علميني
كان باقي له بقايا طلعيها من خباها= وان حكمتي حكم قاسي فاصدريه او بلغيني
رغم طعناتك بروحي يبقى حبك انتماها=تبقى روحي لك وفيه ماتخونك صدقيني