من إبن الجنوب الى ملك الليل...

يقولون مايرّد في الطيب إلا بمثله وإنت ياملك الليل غمرتنا بكرمك وطيب أخلاقك فأقبل مني هذا البدع المتواضع لعله يعبر عن بعض مااكنّه لك من حب وتقدير .. وسوف يشرفني أستاذنا القدير علي السبيه بالرد مشكورا...

البدع:إبن الجنوب=
*=
أشكرك من صميم القلب لله درّك ياملك=
شاعر(ن)يحكم أبياته وفي جملته عدّة معاني=
لا عدم ياللذي في منطقه طيبته تسبق جفاه=
الله كم ناس نتندّم على قربهم ومهاتفتهم=
والله كم ناس نتمنى يضلون دايم عندنا=
الكفو نمدحه والمدح ينساق في شخصه وذاته=
والردي مايجي له في طريق المدايح قدر بيت=
أسمحني ياملك حبك وتقديرك أكبر من قصيده=
الداووين ماتوفي مكانتك لو دوّنتها=

صح لسانك ياابن الجنوب ياراعي الجمايل والوفا وملك الليل يستاهل كل خير
والله يديم المحبه بين الجميع واشكرك على تكليفي بالرد ومجاراتك اعتبره
شرف لي واعذرني ان حصل في ردي قصور

الرد:علي السبيه=
.=
يالله ياللي لك الدنيا والاوقات والايام لك=
صحبة اهل الكرم والجود بتريّح القلب المعاني=
كنه العد الازرق ما تقِلّ الموارد من جفاه=
مثل وفد الحجيج الى ارتفع صوتهم ومهاتفتهم=
امدح اللي ارتفع شانه ويرفع مقامه عن دنا=
اللي وازي ولا يوصله نقد الجهول ولا وذاته=
ونعم ياللي على الامداح وعلى الجمايل قد ربيت=
عاد كلن وله وجهه يميز مساره من قصيده=
دربكم غلّق المشوار يامن تودّو وانتهى=

الله ...الله

صحّت ألسنتكم يالنشامى والله يديم المحبه بينكم ويديم الطيب بين الطيبين ويزيد الغلا بينكم على كل خير إن شاء الله ....

يازين القصايد على العلم الطيّب والامداح ...لا عدمناكم.

صحت السنتكم على هذا الابداع
ابن الجنوب
السبيه
مشكورين من الاعماق
ملك الليل يستاهل كل طيب وكل علم طيب

لاخلا ولاعدم

الله الله يابن الجنوب
بدع رائع من رجل رائع في شخص رائع
وابو طلال أكمل الابداع
الله يديم المحبه بيننا جميعاً وعقبال ما تقصدون فيه حتى آنا

ابن الجنوب الله يبيض وجهك ويغليك وافيى ومعدنك ذهب وشرواكم من الرجال لنا الشرف بمعرفته
ابو طلال الله يبيض وجهك ياتاج روسنا
والله يديم المحبه والاخوه بين الجميع
واشكر كل من تواجد وعلق واتشرف بهم جميعاً وابادلهم الحب والتقدير

اخونا الهجير انت مفتاح الحب الله يبيض وجهك تستاهل كل خير

ابن الجنوب صح لسانك وبيض الله وجهك كفيت ووفيت وأخونا ملك الليل ونعم ويستاهل المدح وعلى قولك ينكتب فيه دواوين

السبيه صح لسانك ملايين وبيض الله وجهك رد وافي كعادتك

والله يديم الحب والأحترام بين الجميع

ابن الجنوب صح لسانك وبيض الله وجهك كفيت ووفيت وأخونا ملك الليل ونعم ويستاهل المدح وعلى قولك ينكتب فيه دواوين

السبيه صح لسانك ملايين وبيض الله وجهك رد وافي كعادتك

والله يديم الحب والأحترام بين الجميع

عبدالله اللبيدي
شاعر بالمفضل
الله يجمل حالكم وما عنكم زود ياحباني
يعلم الله اني ابادلكم نفس الشعور
والله يديم المحبه والتقدير بين الجميع