ياسعيد انتبه من زمرة ابليس وش حدك لها

*=
البدع : علي الشهري=
*=
ياسعيد انتبه من زمرة ابليس وش حدك لها =
وانا ما وقف أفكارك ولكنها حب أو صداقه =
أعرف الي يصير من الشياطين لاحمي الوطيس =
من يخون الامانه عاش مابين كل الناس خايف =
والحقايق مثل ضوء القمر في سمانا وارضنا =
غير من خذ من اهل العرف يبقى مع علمه مجامل=
مايراقب على علمه وعينه عن الحق ارمدت =
العيون ابصرت لكن يظهر لنا مالا نشوفه =
قالها من نسي الواجب وعينه ورى عيمالها=
*=
الرد: البرق اللامع=
*=
ياعلي مدري انا زمرة ابليس وش حد اكلها=
ماعاد اعرف هروج ابن آدمي كاذبه والا صداقه=
وكل جائع طرح خبزه بكفه ليا حمي الوطيس=
ياعلي ندري انه بين الاحداث تبدي لك سخايف=
لاتقل من زعل نرضيك يامن كمانا وارضنا=
ناس في السوق تشري بالمجامل وباعت بالمجامل=
والمثل قال من ياطا على النار من بعد ارمدت=
من ضمي وش بيروي خافقه بعد جاء عده نشوفه=
يوم ذيك القوافل بين حادي وراعي مالها=

صح لسانك يابو بدر وعساك على القوه ياغالي .. كلام ابداع .. وعلمك غانم ..

البرق اللامع : صح لسانك يا تاج راسي أبو بدر .

صح لسانك ولسان الشهري على هذا الإبداع ...وشكراً لك .

الله الله يالنشااااما ،،،


صحت ألسنتكم ولاهنتم مبدعين . . تقبل مروري وتحياتي يابو بدر . .

صحت الألسنه .. وتعافت الأبدان

تقديري وإحترامي