يا مسافره

يا مسافره وش له بعد نعشق الدار=دامك تركتي الدار وش عاد فيها
تحرم علي الدار من بعد الأخيار=دارٍ تركتيها ابد ما ابيها
خذي معك قلبي وخليه تذكار =والروح خليها معك واحفظيها
وانا على ذكراك باعيش بحار=مالي بلد غيرك ودارٍ اجيها
باسكن بظفة ذكرياتك بلا جار=اغمض عيونٍ شوفتك ترتجيها
في وحدتي عايش مع الشوق محتار=غريب في دارٍ تربيت فيها
ارسلك اشواقي مع الطير لا طار=اظن وناتي بعد تسمعيها
احسد هبوب الريح لا جاك باعصار=واحسد ديارٍ يالغلا تسكنيها
البعد يقتل ما بقى بيدي اختار=الروح تنزف والمخاطر تجيها
العقل شارد فيك والجسم منهار=خوفي حياتي ترجعي تندبيها
لكن لو عمري فني او سار ما سار=قصة غرامي دوني واكتبيها

مشكوره أخي الهمس على القصيده الرائعه

الله يعطيك العافيه

صح لسانك ياالهمس واشتقنا لابداعتك يامبدع

صح لسانك يا صاحبي ويا صديقي بل يا اخي
انت شاعر ورجل بكل ماتحمله الكلمه من معنا.

الله يديمك شامخ(ن) وافي الاشبار=وشيمتك بين البشر تحتميها
ماتمشي الشينه ولا تقبل العار=والهينه في سكتك ماتبيها

صح لسانك .. صح أحساسك .. صح الأبداع يامبدع

لك كل الأحترام والتقدير

المعلوي اشكر لك وحظورك
مرور عزيز وغالي لاهنت

السبيه
بارك الله فيك
ولا حرمني ربي تواجدك وابداعك
لك مني اجمل تحيه

ابو صالح
وش اقول لك اخ وعزيز وغالي ولا يوفيك حقك قصائد الشعراء كلهم
وشهادة صدق اخوتك تنشرى
وشرف كبير لي مصافحتك وستكون قريبا

مثلك سند والعقل بالحق جبار=تخضع رقاب اهل الخطا او تحتنيها
الجود بيدك والكرم عقد واسوار=نارك مع الاجواد دايم تريها

الأخت بدويه
اشكرك على مرورك الغالي
واطارك الغير مستغرب على الأصاله العربيه

واسمحي لي بمداخله على نغم التوقيع

لا ماغدت بالبدو كلمات الأشعار=تنقد وتغدي بالقصايد رديه
حي البدو ياحيهم ناسٍ اخيار=قلت ابدوي قال العرب يا هنيه

من القديم الرائع .. صح لسان قائلها