مكعبات العصير الحمراء والسوداء فى رمضان

good man







يمكن يكون العنوان غريب شوى لكن صدقونى هتدعوا لى بعد ما تجربوه او هتدعوا عليا .. الله اعلم هههههههههه
1- جهزى كوبين من عصير الكركديه المركز جدا جدا وضعيه فى قوالب الثلج
2- ضعيها فى الفريزر حتى تتجمد تماما
3- افرغى القوالب الحمراء فى اكياس بلاستيك لحين الاستعمال على فكرة منظر القوالب القرمزيه بيكون روعة داخل الكيس النايلون
4- اعملى نفس الشئ مع عصير التمر هندى المركز جدا ولكن المرة دى هتكون القوالب سوداء

لتحضير كوب العصير الكركديه:
ضعى نصف كوب ماء مثلج فى كوب انيق وضيفى له ثلاث مكعبات حمراء (كركديه ) وشاهدى روعة المكعبات القرمزية وهى تذوب فى الماء ببطء وبنفس الطريقة تحضرى كوب التمر الهندى

تحضير كوب عصير العناب :
ضعى نصف كوب ماء مثلج فى كوب انيق وضعى 2 مكعب كركديه +2 مكعب تمر هندى مركز يبقى عندك فى الكوب مكعبين احمر قرمزى وهى الكركديه ومكعبين لونهم اسود وهو التمر هندى المركز وشاهدى روعة وتناغم المكعبات والوانها اثناء ذوبانها فى الماء المثلج وبالهناااااااا والشفااااااااااء على قلوبكم جميعا .. دعواتكم يا حلوين ربنا يبلغنا رمضان