المنسف

بسم الله الرحمن الرحيم

صباحكو .. مسائكو .. منسف !!!
ولا مابتعرفوا المنسف ؟؟؟؟ !!
لا أكيد أكيد تعرفوه !!!
بيني وبينكو يالله اعترفوا ؟؟ !!
ماشي خلاص سمعتكو !!!

المنسف أكلة شعبية وعشائريه
بنقدمها في الأعراس ..
وكل من دق علينا الأجراس ..
بنقدمها في كافة المناسبات ..
ومابتستغني عنها العائلات ..
( غزل في المنسف )

وأنا كتبت هالمنـ بقصد هالمـ وضوع ...
( ارتقاءا ) لا ( نزولا ) عند رغبة الأخت العزيزة : سناء جابر الله يبارك فيها ...
احكوا : آمييييييييييييييييين ...
وكذلك عند رغبة كل من بدها تعرف المنسف ع أصولو ...
وع فكرا الشرح مدعم بالصور !!!!!

بسم الله وصلوا ع رسول الله نبدأ :

أولا : المكونات :
احملي حالك ودغري ع السوق ..
وياويلك ياسواد ليلك إذا نسيتي إشي ...

1-لحم غنم ...
2-رز استرالي ( صنوايت )
3-خبز شراك ( مقشوش ) بنسميه ( مشروح ) ...
لبن مخيض ( عباره عن لبن غنم يجفف ثم يكسر ثم ينقع بماء ويذوب )
ونظرا لصعوبة الحصول عليه يمكن استبداله باللب العادي ( الربيع )مع إضافة ملح ...
4-زيت نباتي ...
5-ملح وكركم ...
6-مكسرات ( صنوبر ولوز ) ...
.................................................. ...................

ثاني إشي : الوصفة :

احملي حالك ودغري ع المطبخ ...
والبسي المريلة وبلشي شغل ...

1-يطبخ اللحم مع لبن المخيض مع إضافة الملح وملعقة كركم ...
يوضع اللحم ع النار حتى ينضج ...

ينقع الرز لمدة نصف ساعة ثم يصفى ويقلب بالزيت النباتي ...
يوضع الرز مع الماء المغلي ع النار لمدة نصف ساعة مع إضافة نص ملعقة كركم وملح حسب الذوق ... يترك الرز ع النار حتى ينضج ..

يفرم البقدونس فرما ناعما...

وتحمس المكسرات بزيت نباتي ...

.................................................. ...................

ثالث إشي : طريقة التحضير ....

ياستي لهسى ماخلصنا خليك في المطبخ ...
بس ماظل إشي كلها كمن خطوه وخلصنا ...

يوضع في أسفل الصحن ( لازم يكون كبير ) 3 أو 4 أرغفة حسب الرغبة ...


ويسكب فوق الأرغفة قليل جدا من اللبن المخيض ...


يوضع الرز فوق الأرغفة وفوقه اللحم ...
زيني الصحن بالبقدونس المفروم والمكسرات ...
يدار ع جوانب الصحن وع اللحم اللبن المخيض بنسب متفاوته ...
وكلما جف الرز يدار عليه اللبن المخيض أثناء الأكل وهكذا ...
وهذا مايطلق عليه ( التشريبه )
فتحصلي ع منسف أردني ع كيفك :
وهاي صورتو بعد إنجاز العمل :
V
V
V
V
V
V
V
V
v
v
v
v
v
v
v
v
v
v
v
v
v
v
v
v
v
v
v
v
v


شو رايكوو ؟؟؟؟

.................................................. ....................

رابع إشي : التقديم ....

يالله هسى براءه مؤقته من المطبخ ...
وخليك واقفه ع رووس ضيفاتك بالشراب !!!
لاتفهمي غلط
إحنا بنسمي اللبن المخيض : شراب ..
وبنسميه لمن يحطوه إلنا ع الرز : تشريبه ..
ولمن بدنا ننادي : مين يشرّب ؟؟؟
أنا هيني بسمع وحده تناديك شرّبي ..
.................................................. ....................

هسى خلصوا الضيوف حمد الله ...
إذا بقالك إشي ( وما بعتقد ) خير وبركه ..
وإذا مابقالك فلا حول ولا قوة إلا بالله ...
احملي حالك مرا ثانيه ع المطبخ وإجلي الجليات ...
.................................................. ....................

بعرف إنو شرحي بخجل وصعب ...
بس هاي أول مرا بشرح طبخه وهي صعبه أصلا ...
من شان هيك بدي منكو تعذروني وتسمحولي ...


منقوووووول

good man

ياربي يعافيك

توي اعرفها ^_^

بجد لزيزي الله يعطك العافي

تسلم يديك والله يعافيك
كفيت ووفيت
وشكراً لك على طيب جهودك