واحة الأسحار

بمناسبة حلول شهر رمضان المبارك اقول لكم جميعاً

كل عام وانتم بخير

هذه قصيدة إبتهالية تتفق مع المناسبة لعلها تجد قبولكم واستحسانكم

كمصافحة أولى لأيلديكم البيضاء

سبح فكري على موج الحياه ودارت الأفكـار=ومرت بي تباريحي على موجة أمـل عاتـي
أدور بين صفحات الأمـل للرسـم والتذكـار=عسى طيف الخيال يمـر ويجـدد مسراتـي
خذتني موجة أفكاري وقامت تبدي الأسـرار=برحله تتجه نحو الغموض وعمق ماساتـي
كثيره يا الظروف اللي تعرضني على الأخطار=قليله يا الدروب اللـي توصلنـي لهقواتـي
نزف قلبي مع الذكرى وحوَّل دمعي المـدرار=وشفت الحزن يذكي دمعتي ويزف عبراتـي
غريبه يا الدموع تجين كنـك طالبـه للثـار=وأنا اللي جيتك أبغي فيك سلوه عن معاناتي
دموعي والسهر والهم خلت خافقي محتـار=يدور في خضم الليل عن فرحي وعن ذاتـي
عرفت إن الشعر واحه تعطر مجلس السمـار=وأنا شاعر أدور عن قلم يكتب لـي ابياتـي
لي أشعاري لي أفكاري ولا أسبح مع التيـار=ولا أبحثْ عن متاهة عمر تطوي لي مسافاتي
ألا ما أحلى صباحٍ نبتديـه بطيَّـب الأذكـار=ألا ما أحلى بنفس الذكر أحيي به مساءاتـي
نصيحه يا فؤادي لا تخلينـي غريـب الـدار=أبيك تعيش في طاعه تنور لـي مساراتـي
أبيك تقوم قبل الفجر تحيي واحـة الأسحـار=بعبراتـي بركعاتـي بقرآنـي بسجـداتـي
بثلـث ٍ فيـه يتجلـى إلهـي والله الغفـار=يطالبني بدعوة صادقـه ويجيـب دعواتـي
ألا يا الله يا المعطي تمد لنـا فـي الأعمـار=تثبتني على دينـك وتقبـل لـي صلاواتـي
ألا يا الله تغفر لـي وتكتبنـي مـع الأبـرار=ولا تحرمنـي الجنـه إذا قامـت قيامـاتـي

تقبلوا تحياتي

أخوكم

سعيد الغامدي

صح لسانك

وشكراً لك عل النقل

المشاركة الأصلية كتبت بواسطة واااافي

صح لسانك

وشكراً لك عل النقل

أخي

الوافي

صح قلبك وفكرك

تقبل تحياتي

صح لسانك وبنانك ياسعيد الغامدي ابدعت في نضم هذه
المعزوفه الرائعه والله انها من افضل ماقريت من القصايد