من يرد

اللي له شف في هذه القصيده يرد عليها

البدع:علي السبيه=
.=
ياقلبي اشغلتني وارهقتني طول الاوقات=
اشغلتني باالذي عني مقفّي وصافي=
حمّلتني الهمّ وانا كنت قدام خالي=
حسبك من الله ياقلبي عليش المشاغيل=
الضاهر انك نويت اليوم تقضي عليه=

اسمحلنا بالرد ولو انه يوصل بدع ولكن اعذرنا على القصور
الرد : نجم الغربيه

اهل اليمن من حدود المملكة طوللو. قات =
يغدي كدير الصدر قلبه مريح وصافي =
لوجيت بشريه ماخزنت قدام خالي =
وما انت يا راعي الروح الهموم المشاغيل=
متى تهد الجبل بيدك وتقضي عليه =

القصور في عدوك طال عمرك وردك هذا رد ساحق
صح لسانك ملايين واسمح لي بهذا البدع الجديد

البدع

اهل اليمن عندهم بنً وقاتً وشمّات=
وغرسهم مرتوي ماصار ضامي وجافي=
ومزرع القات مايطلع منه بن وهيلي=
كيّفت راسي بفنجالين جت من معاميل=
واما زيود اليمن فيهم من القات حيه=

ايوه ماشاء الله المبدعان هنا
قسم بالله اني من اشد المحبين لكم ابو راشد وابو طلال
لله دركم وطالما اجتمعتم نريدها محاوره كبار يا كبار
صحت السنتكم وطالت اعماركم

وربي انه بدع يهول لكن ابو راشد يستاهل

والليل الليل الليل وينك يابو راشد اشي بدع يزلزل

تكفى حوفه

تسلم طال عمرك وصح لسااااااااااااانك
وتراني عليمي قصايدي على قد معرفتي
الرد : نجم الغربيه

عليش ياهيل بي ضحكت ناقد وشمات =
اعطيتك الود وانت اصبحت مقفي وجافي =
ماهو بحقاً بك اغدي شمت شينن وهيلي =
الود يلقاه وداً والجاز من معاميل =
واعطي تحية لمن وديت والقا تحية =

ابو صالح بيض الله وجهك انت استاذي على كل حال
والعين ماتعلى على الحاجب .

......
هاوي الشعر تستاهل كل خير وانشاء الله نكون عند حسن ضنكم

طيب يابو راشد طيب انا فدا ابو طلال

عرفنا ان قلبك اخضر / غزل روعه

ثبتوا المحاوره يا مشرفين الى انتهت

صح لسانك وبنانك وانا اللي عليمي والا انته شاعر متمكن
ويشرفني مجاراتك في هذه المحاوره وترى ابنقلبها غزل

البدع

يانجم فات الضحى عني وحتى المساء فات=
اطرب لمن ينضم ابيات الشعر والمقفّي=
اتعبت الانضار يامن ناضره لامحً لي=
والبدر ياصاحبي مايضهر الا مع ليل=
لا جزت طيب الفواكه ماتجوز الجفيه=

المشاركة الأصلية كتبت بواسطة ابو صالح

ايوه ماشاء الله المبدعان هنا
قسم بالله اني من اشد المحبين لكم ابو راشد وابو طلال
لله دركم وطالما اجتمعتم نريدها محاوره كبار يا كبار
صحت السنتكم وطالت اعماركم

.................................................. .................................
حىالله عميدنا واستاذنا وشاعرنا القدير ابوصالح وانحن والله
انّا نفتخر بك وبمرورك ونعتبره تشجيع لنا طال عمرك