شيلي قناعك

شيلي قناعك عن اعيونك ووريني=خليني اشوف وش فيهم تخبينه
خليني اكشف خفايا القلب بعيوني=واشوف واحكم بكل الي تقولينه
انتي سكنتي بقلبي وامتلكتيني=حتى منامي تجينه ما تخلينه
يابنت كل الذي حولي يعنيني=عشاني اشوف حولي كله اتجينه
خذتي عيوني وقلبي وش بقى فيني=ماعاد باقي سوى جسمٍ معنينه
تعبت من كثر ما احلم تلمسي ايديني=والقلب وده يذوق الي تمنينه
راح العمر بين حاظر وابشر اتجيني=ياخوفي الوقت يسرق ما تحسينه
اخلصت لك والوفا شيمه تحليني=والصدق واضح ولكنك تصدينه
مدري طبيعه او انك بس تبغيني=ابقى معذب وقلبي روحي اتدينه
بالله شيلي قناعك مره او ليني=وريني الوجه الاصلي لو تدارينه
خليني اشوف وش باقي من اسنيني=ياخوفي العمر متجرد من اسنينه
وان كان ولى العمر والوقت يفنيني=قلبي تعذر ولا يبغى تعزينه

صح لسانك ملايين يافارس الشعر

تسلم يالهمس وصح لسانك

لو شالت القناع ماكتبت فيها هذه الرائعة .. لان سبحان الله هذه طبيعتنا البشرية نتشوق الى الشي فاذا حصلنا عليه مللناه ..
يمكن جميعنا قرأنا لعنتر وللعاشقين قيسين شعر في منتهى الجمال يمكن يكون البعد هو سر هذا الجمال ..
ترى لو تزوجوا من بعضهم هل سيبقى هذا الجمال في قصائدهم ..
انا شخصيا لا استطيع ان احكم مجرد تساول تطرحه قصائدكم الجميلة الرائعة

بيض الله وجهك وصح لسانك

على القصيده الجزله والرائعه