أحلام همساويه

بسم الله الرحمن الرحيم
اعزائي كنت دائما اشكو من الأحلام المزعجه بمزيج من الكوابيس المخيفه ومع مرور الأيام اكتشفت ان المنبهات كانت وراء ذلك فقررت بلا تردد باحتساء كوبا من اللبن قبل النوم (لاتسئلوني عن نوع اللبن لمنع الدعايه)
نعود للحلم فنمت نوما عميقا واذا بتلك الأحلام الجميله وكان منها ماهو ات:
حلمت ان السعوديه بمساحاتها الشاسعه ومدنها الكبيره خاليه تماما من العماله البنقلاديشيه(البنقاليه)
وان منسوب الجريمه انخفض الى الصفر
ورايت ان المطاعم البخاريه لا يوجد بها اي افغاني شوف الغرابه كيف(يقول البعض لا نموت جوع)
هذولا حلم واحد ترى
فصحوت من الجوع على طاري البخاري تناولت ما جادة به الثلاجه العامره بالسندوشات ومن ثم عاودت النوم
وشوي الا انا اشوف ذاك الحلم الي مرررررررررره مسكت شفت ان الجوفا وضواحيها من القرى المجاوره لها من الباحه الى دوس مرورا بالمندق والصفح والسرفه ألخ.....................كلها غطتها شبكة المياه العذبه تصوروا هذا الحلم العنيد وانا اقوم واسوي مسبح واقعد اناقز فيه شوي الا انا على وجهي فوق البلاط واصحى ولا اشوف الا براطمي تفقعت وخشمي يصب دم وعيوني مفغصه من النوم قلت خير انشاء الله وقعدت ما يقارب الساعه اعدل ضريبة الأحلام المستحيله عفوا الجروح.
عدت مره اخرى لم اتناول سوى وجبة القفز من السرير هذه المره وذهبت في النوم وشوي الا وانا احلم ذاك الحلم
الله يا جماعه ياهو حلم شي
حلمت الله يسلمكم ان المنتخب الصقور الخضر على قولتهم شفتهم ماخذين كاس العالم( هين...) عاد ياهي مباره شفتها لهم كانوا يلعبون على النهائي مع البرازيل طبعا تجاوزا الأدوار السابقه وسحبوا في البرتقال والارجنتين ولحقتهم فرنسا وسدحو المانيا ب تسعه اهداف طبعا ما حظرت الدوري من اوله تعرفون كنت في الحلم الأول اناقز المسبح الي سويته المهم شفت الربع سحبوا في البرازيليين يانا شفت لكم رونالدينهو منسدح وشفت كبري على رونالدو وروفالدو طايح يبكي شيء عجيب استمتعت بالمباراه الحقيقه تشوف التسدح والتسحب والتنقيز واقوال عجب!!!!!
واقوم من الفرحه اتنطط واصايح واشجع عاد انتم تعرفون السعودي اذا شجع (ياكلك)) ولا اقوم الا من المسوط (اداه تساعد في صنع العصيد ) تقبع على ام رأسي والا الوالده الله يصبحها ويمسيها بالخير تشوت فيني (اشهد انها تسدد الضربات باتقان احسن من صقورنا الخضر) واقوم احب على راسها واعتذر بغيت اشرح لها الحلم بس خفت من تلك الأداه بيدها لا تتسبب لي في اعاقه دائمه.
فقمت متثاقلا وحرمت اشرب لبن مره ثانيه لا احلم بشيء اكبر اروح فيها .
طبعا النائم مرفوع عنه القلم لا تسون لنا سالفه على الحلم بعد
هناك احلام سارويها لكم في موقعه اخرى ولكم تحياتي

هههههههههههه تسلم اخوى الهمس والله يأنى ضحكت تكفى يالاجودى كثر من اللبن فى الليل عشان تعلمنا بالاحلام المفرفشه اللى زى ذى --------- يعطيك العافيه

طرفة جميلة

سلمت يداكــ

ألأخ مشعل اسعدني مرورك وروحك الجميله
لك التحيه وألأحترام
الأخت ام رتيبه شرفني حظورك ومرورك

ويا عندي حلم يا جماعه ياهو حلم
انشاء الله تسمعونه قريب

رائع والله يعطيك العافيه .. لك التقدير والاحترام من اخوك أبوريان

ابو ريان بأمانه اسعدني مرورك لك التحيه وتابع الحلم الجديد اليوم

هذا حلم يالهمس انا لو منك ماعاد نمت
خلك صاحي تسلم ياصاحي
استمتعت بما قرئت من الاحلام الهمساويه
والله يصبحك باالخير بعد الحلم الا ماراح
يتحقق ولو بعد مئات السنيين

علي السبيه واخيرا مريت على الحلم
ان عاد هددتني انامم اسبوع ولا احلم الا فيك لين اجيب اجلك


انتبه لأحلامي بس

ههههههههههههههههههههههههااي

وش هالحلوم يالهمس بس اسمع حكاية هالرجال المتنوم بالمستشفى
وقولي رايك

جلس ذلك الرجل على السرير الابيض ... في احدى المستشفيات في بلدنا الحبيبه ... ويبدو ان جسده اتشح بلون البياض تأثرا بالسرير اللذي يحويه ..!!! حيث غُطى جزءٌ كبير من جسده بشرائط الشاش الابيض .. ورُبطت قدمه بحديدة الى اعلى السرير ... ولا يكاد يسمع منه الا تأوهاته الخجوله ... اللتي لا تكاد تسمعها !!!... ذهبت بخيالي لاستطلع ما اللذي اصابه يا ترى !!... ليصل لمثل هذه الحاله ؟؟!!!... فتاره اقول ربما انه عمل حادثا مروعا !!! ... وتاره اقول قد يكون حريقا الم به و اخذ منه مأخذا شديدا !!! ... لم يقطع حبل تفكيري الا صوت ساعتي وهي تعلن عن قدوم من نحبهم ويحبوننا ... عن من يأتون الينا ليواسووننا ... ويحمدوا الله على سلامتنا ... فقد كانت ساعتي تشير الى الرابعه عصراً ... وهو بداية وقت زيارة المرضى .... بدأت غرفتنا تعج بالزوار ... وبدأت تدب فيها عروق من حياة العالم الخارجي .. فهذا ينقل لمريض الاخبار ... وهذا يحضر الحلوى والقهوه الممزوجه بطعم الحياة ... وهذا يتنقل بين المرضى ليواسيهم بكلمات لطيفه ... وهكذا ... كنت اختلس النظر بين الفينة والاخرى لذلك المريض ... وقد لفت نظري انه كلما اتاه زائر .... خرج من عنده وهو يقهقه بصوت عالي .. فقلت في نفسي لابد ان اعرف ما قصته وما اللذي يجعل كل من يزوره يخرج من عنده وقد اختلطت امعائه بمعدته ... وظهرت على جبهته خطوط عريضه ليست الا عروق الضحك والابتهاج ... من شدة الضحك ... فعزمت ان اذهب اليه بعد انتهاء وقت الزياره ..!!!!!
مرت الدقائق تلو الدقائق وفضولي يتسارع معها بانتهاء كل ثانيه ..... انتهى وقت الزياره ....


.......(ملاحظه : اقرا بالعاميه الحين)................... ..
المهم وانا اللي اطمر له ... قلت له: مسيت بالخير يا ولد .... قال: همهمهمهمههم < هذا طلع رهينه مو مريض
لا قال : هلا حياك ... قلت له : لا باس لا باس ... قال: ما ترى باس ... قلت له : سلامات يااخوي ...
انا اشوف اللي يجونك ما يروحون من عندك الا و ضحكهم واصل موزئنبيق ...

قال لي : هههههههههه وش دعوه يبه حاسدنا على الضحكه ... قلت له :

لا يبا والله لو هي مليون كان يمكن! ...

بس ضحكه عادي خذوا راحتكم بس بغيت اعرف السر يعني ... اذا ما عندك مانع ... قال لي : ايه ابشر ولا يهمك ... انت مثل ما تشوفني مكسر وكلي شاش ...
قلت له : اي والله ... والله يشفيك يا رب ...



قال لي : يا طويل العمر انا ساكن في شقه في الدور الثاني ... وعندي بلكونه مهنا زينها ... واذا نمت افتح البلكونه .. واطفي النور ... واتبطح على السرير ...
قلت هالمره في نفسي مو له : عسى بس ما يقول وجاني هذا اللي يمشي على النجوم ومعه عربه تجرها خيول ...
استرسل هو : ويوم نمت على السرير ... وغصت في اعماق اعماق نومي ... حلمت اني في يوم القيامه ... وحلمت مثل ما تقول ان الناس في محل زي موقف الباصات وفيه باصات رايحه للجنه وباصات رايحه للنار !!! .... المهم الجماعه ينادون بالاسامي .. فلان بن فلانه باص النار ... فلان بن فلانه باص الجنه .. وهكذا
فلان بن فلانه ...يه هذا اسمي ... وقلبي يرقع يرقع ... رووح باص الجنه .... اووووووووووووه اشوى ارتحت
وانا اللي ادور على الباص اللي مكتوب عليه الى الجنه ... والقاه وانا اطمر فيه ... شوي وتجينا لوحه الجنه 50 كيلوا النار 100 كيلوا
وهذا وحنا مع اللوحات .. والله ونتعدى الجنه ... قلت يمكن السواق يدل له باب ثاني ....
شوي النار 15 كيلوا ... وشوي النار 10 كيلوا ... وكل شوي نقرب من النار ... يا ولد وش السالفه .. المشكله ما قلق في هالباص الا انا ... والباقين ساكتين ...وانا اللي اطمر للسواق وهو معطيني ظهره ... هيه هيه وين انت رايح ؟؟؟!!!!!!!!! ... قال لي بدون ما يلتفت : رايح النار يا حبيبي ..... قلت له : وشششششششششششششششششش انا من اهل الجنه .. وشووووووله توديني النار يا مال الوجع !!!....
وهو يلتفت لي ... ولياهو ابليسسسسسسسسسسسسسسسسسسسسس سسسسسس !!! .. الله يـلعنك ... انا من اهل الجنه .. يا ملعون لا توديني النار .. انا من اهل الجنه .... والله العظيم اني من اهل الجنه ... تو من شوي قايلين اسمي ... وقف ياملعون .. وقف يا ملعون ... وهذا انا اصايح ... وهو انواع الضحكات الشريه هاهاهاهاها ... هاهاهاهاهاهاهاها ... هاهاهاهاهاهاهاهاهاهاهاهاه ا ... قلت له يا ملعون وقف !!! ابي انزل !!! ... قال : والله الباص هذا مبرمج على انه ما يوقف الا في النار ... تبي تنزل اطمر منه .... وانا اللي اروح للباب وافتحه ... وهووووووووووووووووووووووو ووووووووووووووووووووووووو وووب

ولا وعيت الا في المستشفى ... طامر من البلكونه ... في الحوش !!!!
السالفه صحيحه ... وحصلت لواحد كان منوم في مستشفى المجمعه العام


دمت بود بأحلامك الخطيرة

عاشقة الصقـــــــــــــــــــر

هههههههههههههههههههههههههههههههههههههههههههههههههه ههه





ايش الاحلام الرااااااااااااااائعة


اللي في بال ام الخير تحلم به طوووول الليل


الله يخليك هموووس ابيك تحلملي حلم حلو ابي وظيفة حكومية


بليييييييييييييز


خخخخخخخخخخخخخ