قصيدة(آنا قابلت لي شايب)

أنا قابلت لي شايب معه طفل في عمر الـورود
قلت يا سيدي وش في عيونك عسى ما شر بكت
نسخة طبق الأصل وكن هذا فلق من جنـب ذاك
وأقول أحفظ عسى نلقى في الحشر من يشفع لنـا
ألف من بنت تتمناه حتـى لقينـا لـه عـروس
وطموحه تعـدا الرتبـة اللـي عليهـا عينـوه
صار خالد مجرد رقم في كارثة خـط الجنـوب
خايف يتكرر المشهد ويلقى الصغير مصير أخوه
أنت في شهر ستة في ثمنطعش واليوم الربـوع
لازدواجية المشروع للطايـف الباحـة عسيـر
وادع ربك يسلم للمواطـن حكومتنـا الرشيـدة
كل ما سار ون وكل ما قال يا بابا بكـى لـه
قال كيف أحبس الدمعة وخالد يذكرنـي بخالـد
خالد اللي يشيل المصحف يقول ما أنا حافظ لـه
رغم انه ولدي كنت أخجل أملا عيوني من جماله
واحتفلنا بعرسه يوم جـا بالشهـادة الجامعيـة
ثم في ظرف لحظات انتقل من جوازه إلى جنازة
خايف يتكرر المشهد وتنعاد لي نفـس الروايـة
قلت يا شايب الرحمن خلك صبور وهد روعـك
أبو متعب حفظه الله في ذا النهار أبـرم عقـوده
بكرة نفرح ولا يبقى مـن التعبـة إلا ذكريـات
والله يحفظ لك الموجـود والميـت الله يرحمـه

والله يحفظ لك الموجـود والميـت الله يرحمـه

من روائع ابو متعب وهو دائما مايلامس شغاف القلوب بمثل هذه الابداعات