%%% (( جــــــروح أحـــــلـــى مــن السـُّــــكّــــر )) %%%

حبيبي ياحبيبي .. يابعد كل الحلا والذوق=
إلى من غبت .. يتكدّر صفا جوي ويتعكّر=
وأنا مدري متى يصفى المزاج ويعتدل ويروق=
غيابك يابعد حالي .. يجيب الضغط والسُّكّر=
على رغم الحمايه ضدّ فيروس الهوى والشوق=
أشوفه كلما يتفرمت الخفّاق يتهكّر=
عليك الله جاملني .. ذبحني الشوق يامخلوق=
تعبت آعيد ماضينا بصفحة شعر وأتذكّر=
سلبني حبك العذري.. يداعب مهجتي برفوق=
وقلبك سارح وناسي عَجَز لو يوم يتفكّر=
وربي لو تشوف الحال بعدك .. كيف أنا مسلوق=
وكيف القلب يتخفّى عن أشواقي ويتنكّر=
يداهمه الغلا من جنب ..من قدامه .. ومن فوق=
ومن هون .. وهنا .. وهناك ..يتغلاّ ويتجكّر=
أنا مانيب من جيل الشباب إمرقّمين السوق=
حشا لله .. لو جمر الهوى يمسي ويتبكّر=
أحبّك .. يامحدّر دمعة المبدع من أقصى الموق=
وغيرك ماأبي .. لو كان يتكحّل ويتمكّر=
تبي عاد الصراحه .. والصراحه ماتريد إحقوق=
أنا ماشفت في عمري ( جروح أحلى من السكّر )=
إلين الله كتب لي من يدينك طعنة المعلوق=
وشفت القلب يتحمّد على الطعنه ويتشكّر=
****