%%% (( بَعْــــدَك مَـــأمِّــــل....؟ ))%%%

تدري وش اللي مصبرّني على حالي؟=
إني أحبك000 ولاني قادر آسيبك=
ان قلت باروح من جرحي وغربالي=
لقيت روحي وأنا ماشي تهذري بك=
ياليتني مِتّ عنك وموتي أشوا لي=
أبكي لك.. أبكي عليك ومنك.. وأبكي بك=
غيرك من الناس مايطري على بالي=
عذّب على راحتك ياز ِين تعذيبك=
حشمة عيونك شربت المُرّ والحالي=
وأسهرت عيني وقطّعت الليالي بك=
ماجاد حظّي و وصلك ماتهيّا لي=
وأرسلت لك وإنت ماترسل مكاتيبك=
لكنّ أبنشدك مما صار يجرى لي=
وش نظرتك؟ ويش رأيك؟ ويش تعقيبك؟=
بعدك مأمل وترجي خير يالغالي!=
لا والله الا ريالك طاح من جيبك=
ركّز معي ياحبيبي وأسمع التالي=
أجمل مزايا على الدنيا عذاريبك=
من كثر ماأذوب من همسك.. ويهنا لي=
ومن كثر ماأدوخ من عطرك ومن طيبك=
والله لو يدفنوني فالخلا الخالي=
لأشمّ ريحة ثيابك في دواليبك=
**