الماسه

قولوا لها اني من الفرقا تعب حالي=والروح من بعدها تنزف من الكيه
والقلب ينزف وهو للهم شيالي=والوقت يمضي وهو باقي على غيه
على الحزن سرت متمكن وخيالي= ارقى على صهوته والسوط بيديه
اليل يا مطوله والصبح متعالي=والعين تسهر وترقب كل فجريه
الفكر لو جيت بانسى عاد طوالي=يذكرليالي مضت واحلام ورديه
يذكر عيونٍ رمت بالسهم قتالي=وصابت والقلب واتعلق بحوريه
انا قتيل العيون الي على بالي= والي قتله الهوى من وين له ديه
وثغرها من بريق الماسه ايلالي= جسم المها شارده والشعر هنديه
اذكر هوانا وانا في حبها سالي= ياحي وقتٍ جمع قلبين ياحيه
اهيم فيها وهي داري ومنزالي=احلم متى نجتمع واستعجل الجيه
اثر المسافه بعيده والأمل فالي= هي تسكن الشام وانا بالسعوديه