علي السبية وابو يحيى

الـــــــــبـــــــــدع:
أبــــــــو يـــحـــيـــى
أقول يانخـل إلا ظلـى ولافـات عقلـه
من حسن نوعه نشرله صيت وأعلام نشره
يامحسن النخل إلا ظلى وناس(ن) مجانين
يالله عسـى يطلـع المنتـوج ويجنونـه




الـــــــــــــــــــرد
عـــلــــي الــســبــيــة
وشعاد ترجي من اللي ماالعرب فات عقله
مدري على من نرد اللوم وعلى من اشره
عساك تسلم ولا تبلا بناس(ن) مجانيـن
ناس(ن)يرجّـون راع العقـل ويجنونـه




الـــــــــبـــــــــدع:
أبــــــــو يــحـــيـــى
اللي علينـا ورد مايـدري اسـار قبلـه
بعد نجي من طريق(ن) مرتقب وابن مره
وإن المها لو يكن ضمن الصيود المساكين
لزوم بيبان مـن شكلـه ولايـح قرونـه




الــــــــــــــــــرد
عـــلــــي الـســبــيــة
ليش الندم لاغدا المسروق والسارق ابله
والحاليه ماخبرنا غرسهـا يبـن مـره
ولاتساوي القلوب العاصيه باالمساكيـن
وطايح الحظ مهما قد عمـل يحقرونـه




الـــــــــبــــــــــدع:
أبـــــــــو يـــحـــيـــى
ياوقتنـا يالغبـر ماجالنـا مـنـك مهـلـه
وخذت مما بدا لي بالزمـن ضـي‎ ‎‏ عبـره
ولقيت في هجرتي باس(ن) وباقي الق باسين
ولبست ثوب الشرف كسوه ولا يقـت لونـه




الـــــــــــــــــــرد
عــــلــــي الــســبــيــة
انتم هل المدح يااصحاب الشرف وانتم اهله
واللي يضيع جمل ماهو كمن ضيـع ابـره
ومعبـر النيمسـي مـا ثوّرتـه القباسيـن
واللي تعدا علـى حـد القضـاء يقتلونـه




الــــــــبـــــــــدع:
أبــــــــو يــحـــيـــى
الريم ماعاش إذا ذيب الخلا قد درج له
خل الردي ذيبنا سرحان ماطالع امـره
نعرف من الناس كارهنا من اللي معزين
واللي بكا لاهيا يرتـاح ويكـف نونـه




الــــــــــــــــــرد
عـــلــــي الـســبــيــة
العمر محدود سبحان الذي قـدّر اجلـه
لابد ماالموت مهما ابن ادمي طال عمره
الدايم الله وحـده ياصفـوف المعزيـن
كلن بعـد ينتهـي ويمـوت ويكفنونـه




الــــــــبـــــــــدع:
أبـــــــو يــحـــيـــى
ياعود سمحان قادر كل متع ابتقل بـه
لك بين كل الجمال الهوج ورده وصدره
معيني ازحف ولابحبي سواة المحبيـن
لو أزرق الحيد يتفجر بكامـن عيونـه




الــــــــــــــــــــرد
عــــلــــي الــســبــيـــة
وشلون تكسب رضا المحبوب الى اتعبت قلبه
اللي من اجلك زفيره كسّر اظلـوع صـدره
اثر الجفا والقسـاوه مـن سـواة المحبيـن
مايرحمون المعـذب لا بكـا مـن عيونـه




الـــــــــبـــــــــدع:
أبــــــــو يــحـــيـــى
للكفوا فعل(ن) يضاهي به وللاش فعلـه
والمدح ماهوب لاسلعه ولا تكس باجـره
ابعد يدينك عن النيران واعن الشياطيـن
والحصن إذا طاح وش يبني فتايت ركونه




الـــــــــــــــــرد
عـــلــــي الـســبــيــة
الخير من يعمله ينجيه والا شفـع لـه
والشين لاترتجي حسنه ولاتكسب اجره
والانس والجن فيهم يارفيقي شياطيـن
واللي بدينه تحصّن يافتـى يتركونـه




الــــــــبـــــــــدع:
أبـــــــو يــحـــيـــى
ساقي بتقوى على شفيان سب(ة) ابتعله
مجار ياساق ماجى فيك قهرن وحسـره
قل للذي مالبس غير الثيـاب المغابيـن
لا يحرم العود من ورده ولا ين غصونه




الـــــــــــــــــــرد
عـــلــــي الــســبــيــة
ياغدر الايام كم في القلب سببـت علـه
ماعاد في ذا الزمان الا غباين وحسـره
حتى غدا القلب من ضمن القلوب المغابين
وكلما جا يفيّـق جـوه مـن ينغصونـه