اهل المنتدى

ابدا بذكر الله واسمّي=
يامنزل الكوثر والاعرافي=
+=
في كل معنى واضحً علمي=
قلبي نزيه وخاطري صافي=
+=
ماني من اهل السب والذّمي=
ولا من اهل الغيض ياكافي=
+=
ماتخرج التهمات من فمّي=
وضاهر اعلامي من الخافي=
+=
ولا يبيّن للعرب همّي=
واعد قوم الجوده احلافي=
+=
هذا ولد عمي وذا عمي=
وابني مع اللي علمهم وافي=
+=
ترى شذى الازهار ينشمّي=
وشوكها يدمي قدم حافي=
+=
من طاوع الشيطان ينغمّي=
تلقا دروبه كلها اتلافي=
+=
واللي لصّف الجود ينضمّي=
يلقا الشرف مابين الاشرافي=
+=
واللي لداعي الخير منصمّي=
ما تلزمه عادات الاعرافي=
+=
واهل الوفا ما يجهلون اسمي=
احرص على منهاج الانصافي=
+=
يضيح نور الشمس ويعمّي=
ولا يطفّي نورها طافي=
+=
والناس تتفرّق وتلتمّي=
ما يشكي الاوجاع متعافي=
+=
واللي بروحه دوم منزمّي=
ينفى وهو في ديرته نافي=
+=
ريح الصبا لاهبّه الوسمي=
هبايبه ماتشبه السافي=
+=
ماجا لقصر الفايده هدمي=
وعلم راعي الصدق ينضافي=
+=
وانا تراني لوبغيت ارمي=
ماصافت الرميه عن اهدافي=
+=
ما اصافح الا المطلق النشمي=
واميّز المقفي من اللاّفي=
+=
ماكل من يرقا الجبل يطمي=
ولا كل علّه جا لها شافي=
+=
واللي ترا ماصاد مايحمي=
وقصم الضهر يزري باالاكتفافي=
+=
ماني بطامع لاحصل قسمي=
ولاني من اللي للبشر جافي=
+=
مايختلف نثري ولانضمي=
ولاتشوف النقص في قافي=