الخريطة و الدواائر (؟؟؟؟)واستروا ماوجهتواوالوجه من الوجه ابيض وسلامتكم

بعد اذن الشاعرة وصايف فقد اعدة القصيدة الى المنتدى ارجو منها السموحة بعد ان حذفتها من المنتدى


iقصيده فحسب .... واللي قلبه جامد يقرا واللي قلبه ضعيف يقرا لان الجميع هنا من أمة (إقرأ)

مع احترامي للجميع و سلااامي


لحظه هنا... الكل يصغي لكلامي
للحق صوتٍ حق نسمع كلامه
لكل سكان الخريطه احترامي
إلا الذي ماهو كفو لاحترامه
بعد احترامي (السلام) وسلامي
ماهو سلام اللي مخصص سلامه
ماجيت اضيع وقتكم في الهيامي
ولا سواليف المحب وغرامه
ولا بعاتب ولا بشدد خصامي
او شي من هذا ابد يالنشاما
السالفه مرة وانا في منامي
شفتلكم اللي هزني في المناما
حلم تراجيدي فكاهي درامي
في واقعٍ كله دراما فـ دراما
كانت خريطه ماتشابه ميامي
إلا فكثر اضوائها فـ الظلاما
وفيها دوائر وبالدوائر سهامي
وعاد كلن قام يرمي سهامه
والمحور ابن ال...واحد عصامي
مرتز مايعطي احد اهتمامه
و(الواو ) له مركز رفيع المقامي
لو مافـ راسه علم حاز العلامه
الواو..واااااو له قرار الحسامي
خلى الصفر من بسط لاعلى المقاما
والمحور اللي في خضم الزحامي
ماشي على حسب النظام ونظامه:
راح الحرامي انتهز ياحرامي
كلن يكثِّر من حلاله بحرامه
وذيك الدواير هي سواة(تسونامي)
تصعد على ظهور الجبال الكراما
تاكل خضر مع يابس و الحطامي
وتستنزف اللي باذل جهود ياما
يبدع وينجز ثم ينسب لرامي
من غير رميه وذاك راح فـ عدامه
وشفت الكراسي دايراتٍ أمامي
ومافي احد جرب (حزام الأماما)
وفي محورٍ صادق فعاله حزامي
لكن حسافه جرجروه بحزامه
يعني كذا والا كذا ذا نظامي
كل شي يدور وللإله الدواما
وفي الحلم شيخٍ في قفص اتهامي
علمني اسرار تهز العضاما
طبعا باشفِّر ما حكالي لزامي
والا انا وشعري علينا السلاما
انا خفوقي هالبريء التهامي
اللي اذا ابعد ما تعدى تهامه
مااتخيل انه في سرنديب ظامي
منفي مثل شوقي وبعض العظاما
لله وانا بنتك يبه ذا لثامي
ماقول مااسمع لا ارى لو علامه
قمت اساله ياشيخ مالك محامي؟
وقال واجد بس وانتي بكرامه
يدس راسه مقتدي بالنعامي
يعزك الله هم شوية قمامه
لكن وفجأة جاء فاصل ختامي
صوت امي صحاني وانا فـ انسجاما
الفجر أذن قلت يمه علامي
ماقلت ش اسمك قبل موعد ختامه
الحق انك... قلت انا الحق عامي
والشيخ مثله كان عامي كلامه
او هو فصيحٍ بس انا في المنامِ
ما اميز وقالت :سمعتي الاقامه؟
قومي توضي قبل يبدا الامامي
وقلت شيخي فيه سمات الامامه
اضغاث حلم في نهايات عامِ
وقلت بل اعوام جرحى حطاما
حلمي غريب بس مابي ملامي
و الحلم حاله ماعليها ملامه

كلمات / وصايف تهامية