أكاديمـيـة العرضـة الجنوبيــة - ربـاع - عرض مشاركة واحدة - قصص المقناص..كل بواردي يقترب (2) الجزء الثآآني

22/04/2012, 11:30 AM

الجزء الثاني من الروايه .
ابتعدت عن اللهجه العاميه في هذا الجزء واعذروني
لاني والله كتبتها الان ومستعجل على شانكم وماني رايق
0
(
)
)
مرت سنتين اخرى وكبرت نوره وزاد جمالها تهول هوله
وكان سلطان يعلمها الكتابه والقرايه في البيت
وتعلمت معاه وصارت تعرف تكتب وتقراء
وكان يحفضها بعض السور القصار من القرآن
كانت ترتاح لسلطان اكثر من اخوانها لانها كانت تحس ب اهتمامه
الزائد بها ومحبته لها .
وكان يستمع لااغلب احاديثها وكلامها ويشاركها المرح واللعب
وخلال السوالف حس سلطان ان نوره في وادي وهو في وادي
قال نوره حبيبتي وش معك فيك شئ
قالت سلطان انا مابي اروح عند خالتي ام سميره
ما احبهم
قال ليش ي حبيبتي وجلست تبكي بصوت مرتفع
لين سمعوها اخوانها وجاء سعود نوره حبيبتي وش فيك
سلطان وش فيها قال سلطان مدري بس تقول ماتبي تروح لخالتها
ام سميره
ونوره وهي تبكي ماحب خالتي مابي اروح بيتهم سميره ما احبها
ساري تضايق يوم سمع اسم سميره
لانه يحبها من يوم هو صغير وسميره تحبه
وكانت سميره هذي دائما تذكر نوره ان ماعندها لاام ولا ابو
وانها هي احسن منها وامها وابوها موجودين
هنا تضايق سلطان بقووه
قال ماعليك منها حبيبتي
قالت نوره بس سلطان ليش انا ماعندي ام
قال سلطان ومن قال انتي ماعندك ام .امي هي امك
هنا ارتاحت نوره
وسعود ارتاح لكلام سلطان اللي انتشل اخته من حزنها ودموعها
وضحكت واستانست
لكن سلطان ضل بقلبه حقد وكراهيه لسميره هذي
وشوي وراحت نوره تلعب بعيد عنهم
وفتح الموضوع سلطان مع اخوانها
وقال لازم نضع لسميره هذي حد
قام ساري وقال ماعليه هي تحب نوره بس تمزح معاه
وهم صغار لاتكبرون السالفه
بكرا تكبر وتعقل
قال سلطان مو تكبر وتعقل على حساب نفسية نوره
هنا تضايق ساري من كلام سلطان
وقال انتم تبون تكرهون اختي في بنت خالتها
قام محمد وقال ابغا اعرف ليش انت ياساري دايم تدافع عن سميره
قال انا مادافعت بس هي بنت خالنا اللي مالنا غنا عنه
هنا قام سعود وقال وينهو خالنا هذا اللي من توفا ابوي ماشفناه
ولا بدا فينا
ياساري عمك مايحبنا ولا يبينا ومنقهر ان ابونا كتب الاملاك ب اسامينا
والحين انت جاي تدافع عنه وعن بنته
وقام سلطان وراح لنوره
حصلها جالسه ترسم في ورقة
وجلس جمبها وقال وش جالسه تسوي هات اشوف
وهنا شاف شئ اتعب قلبه
حصلها راسمه حرمه باليسار ورجال باليمين وفي الوسط بنت
وسئلها وش هذا قالت هذي الام وهذا الابو وهذي البنت
قال طيب ليش كل واحد في جهه
حاولت تعبر واقالت مايقدرون يمسكونها
لانهم ماهم عندها اصلا
قال ليش هم بعيدين عنها ماقدرت تعبر ولاتقول شئ
انكسر خاطر سلطان وشاف ان الرسمه تعبر عن واقع نوره
اللي تعيشه هي
وفي نفسه يقول انك تحكين معاناتك وانتي مو داريه
وش هالقلب الطيب عندك وانتي مريضه تعانين
وقلبك مايستحمل كل شئ يجيه
وتذكر انهم مرره راحو للبحر هم واقربائهم
وكانت نوره واخوانها معهم
كانو اغلب الاولاد اللي راحو معهم اهاليهم
الا نوره واخوانها وحيدين
وكانو الاطفال يلعبون
والكبار مستانسين
والحريم مع بعض
والبنات في سن نوره يلعبون معها
وشويه وراحو البنات عند امهاتهم
وكنت نوره تمشي وراهم
ويوم شافت كل وحده تنقز بحضن امها
وقفت مكانها
وصاروا ينادونها الحريم
تعالي سلمي علينا ولا على شان كبرتي وصرتي اجمل تتغلين
وراحت سلمت عليهم
وسميره كانت تطالع في نوره بكل حقد وكراهيه
لانها تغار من جمال نوره والكل يحب نوره وهذا الشئ مسبب لها قلق
شوي راحو البنات يلعبون ونوره معهم
وخلصو اللعب وراحو عند ابو سلطان كان يشوي لحم
وكان دخان النار كثيف وجو البنات ونوره معهم
وانكتمت لان صدرها مريض
وطاحت مغمي عليها
وصل الخبر اخوانها وسلطان جاي سلطان بسرعه سبقهم
وراح لها وشافها مغمي عليها
بغا يموت من الخوف عليها
وجو اخوانها خايفين
وتجمعو كلهم حولها
جاء عمها ابو سلطان وقال واحد يسوي لها تنفس عن طريق الفم
طالع سلطان في سعود وهي في يده اشر له سعود يعني سوو لها انت مافي مشكله
وسوا لها تنفس عن طريق الفم
ونقلوها شوي وغطوها ورشوها بالماي وفتحت عين ورجعت غابت عن الوعي
قال عمها مالها الا ان نوديها مستشفى
وراحو بها المستشفى
وكشف عليها الدكتور واول ماطلع سلطان وسعود بوجهه
هاه ي دكتور بشرنا
قال نوبه قلبيه صغيره
باين ان البنت اتعبت نفسها وقلبها مايتحمل
قال الدكتور مايصير تالسواه
لايتكرر الشئ ذا احتمال تموت البنت
لكن خلوها اليوم عندنا وبكرا نطلعها ان شاء الله
راحو اخوانها وسلطان وعمهم البيت
لكن فيه واحد منهم رجع المستشفى ياترا مين هوو وليش رجع
هذا الشئ نشوفه ونعرفه في الجزء الثالث
انتهى الجزء الثاني على امل انه اعجبكم .
.
.
انتهى الجزء الثاني من الروايه واتمنى انه اعجبكم
وانا مانزلته الا لخاطر عيون ابو سند ولؤلؤوة زهران
ويستاهلون اكثر لانهم هم الوحيدين اللي شاركو .
اتمنى ارى تفاعل ولا ماعد بكتب شئ