السلام عليكم ورحمة الله وبركاته ... أسعد الله أوقاتكم بالخير والمسرات
*=
البدع:إبن الجنوب=
*=
ياالله يامن جعلت الصلب يغدي لبيطاره طريق=
لا تحرمني وجود العزوه اللي في الموقف ولاما=
عندي الواحد أشكل من جبل نيس وأكبر من شدا=
ينصبون الشّيم والقاله إن جاء نهار(ن)مالها حد=
وأصبح راع الغنم والشيخ يدعون ياماح الدّها=
إن جبر صفّهم ضلآّ كما حاشر الناوي وسيله=
كنّ الاعمى يرى البرّق وهي تدرج على كل حال=
وإن لو تنطق الحيله لزومً ترحب في خطاهم =
ويهلّي بهم منسوب عذب الزلال بكيمنه=
يردعون المخالف وابن الانذال يآكل من جهينه=
يفحمون الرّدي حتى يجيب الكلام النافعي=
*=
الرد:إبن الجنوب=
*=
ياوجودي وجود اللي مضيّع في البيدا طريق=
تايهن في صحاري نجد مقطوع لازادن ولا ماء=
أحرقته الشموس ولا عنه فاقدين ومنشدا=
والله اني حزين وفوق صدري همومً مالها حد=
والليالي خذتني غدر بانياب ياما حدّها=
أنا مالي يكون الصبر ماريت لي غيره وسيله=
أرفع ايدي لواليها وربّي يجمّل كل حال=
والغريب إني ادوّر رضا الناس واسمح في خطاهم=
واللي يضحك معي يومين باقي الزمان أبكي منه=
والله لو كان خصمي من ذوي حرب وإلآ من جهينه=
لاخذ الحق بوجه السيف وإلآ بحد النافعي=