أكاديمـيـة العرضـة الجنوبيــة - ربـاع - عرض مشاركة واحدة

12/05/2013, 07:04 PM

(( شائل الدنياعلى راسي ))

شايل الدنيا على راسي ولا ادري وين غادي
لا الــــه الا الله المـــعبـــود و الدنيــا دنيــــه

لا صبحت ولا على بغداد كن الجو هــادي
ودهــا تمسي بشر وصرصرة ريح عتيــه

مثلما لبنان به جـــرح قديم وغير عـــادي
تختــلف منه موازين القــوى بالابــجــديه

مثلما ان القدس جرحه كل يوم بزديـادي
والفصائل لوتمادت جت فلسطين الضحيه

و العرب مثل العرب في كل عام وكل وادي
لا ســـلام ولا نظــــام ولاتـــوافــق منهجيه

وانت يالمحبوب يوم احرمتني شربي وزادي
والله اني ماشــكـــيت ولا موصي لك وصيه

لا تواخذني ترى في ذا الزمن مقوى عنادي
لجــل قدم لي زمــاني بالــهموم اقسـى هديه

عادي اصلا لوتجي عندي ولامن رحت عادي
كلـــها بعيوني الثــنــتــيــن قد صــارت سويه

همي اكبر منك و اكبر من سوالـيف النوادي
يلعن ابو العشق واهله لو نسوا معنا القضيه

يمكن اني اللبس على حال العرب ثوب الحدادي
بس متــى اغيره و اللبــس ثوب الايام الهــنيه

حال حكام العرب للغـــرب مكتــوفين ايادي
وحال حكام العرب سيف على اعناق الرعيه

بسم الاسلام البري منهم وهم لدين اعـادي
تنتــهك حرمة عبــاد وتقتــل اطفـــال بريه

خلني باعــيش في هــمُ قديم وغـير عادي
من سنة بلفـور الين اليوم الى يوم المنيه

محمد بن جمعان الشاعر
(( المحيط الهادي ))