حياك يالي نسجت احروف مدروره=حياك يالي نهض قلبي على شانه
جيتك وشفت القصايد عنك منشوره=واحترت بين القصيد او بين عنوانه
قمت اكتب االشعر واتفنن في ابحوره=طفت ابخيالي على موجه وشطّانه
قريت في داخلك اشياء مطموره=ابياتك الي بدت بالحزن طربانه
وقمت اولف قصيده جتك مسروره=بالحب والشوق والاحلام هيمانه
جاك القصيد الجنوبي ينبلج نوره=ريح النفل والخزامى عم وديانه
دار الزمن ياهلال او كبر الدوره=واختل مع دورته عدله وميزانه
ضاعت حظارات ولامجاد مدثوره=اشوف الأعراف بين الناس حيرانه
وابزحمة العولمه وانفوس مكسوره=ضعاف الأرواح تتباهى وفرحانه
ياشيخ خل الهموم ابصدر مقبوره=واسمع هوى الهمس يتغنى بخلانه
الحان حبه غدت بالشوق مجروره=والحب في ناظره يبدي على اعيانه
للصاحب الي عيون الناس مقهوره=لامر يشكي القمر والشمس غيرانه
شفايفه بالحلا والشهد معصوره=يازين ذاك الحور بعيون نعسانه
سلب فوادي غلا والروح مقصوره=والعين لو غاب تسري اليل سهرانه
كل الحلايا بها يا هلال محصوره=ريانة العود مياسه ورويانه
لاهي ثريا ولا ليلى ولا نوره=تسكن على الشط وابحيرات مليانه
يغرد ابصوت تتغنى بها اطيوره=وايحوم بالجو من قده بجنحانه
ياليت للهمس موطا رجل في دوره=وايحب حيه ويعشق كل سكانه
بيني وبينه دوروب الوصل مخطوره=اتعبني الوقت والرجلين حفيانه
اعيش في عزلتي والروح مهجوره=احيا بذكراه واتلوع بنيرانه