تذكرتك
تذكرتك وانا في غربتي ياطيب هالذكرى
تذكرت الزمان اللي جمع ما بينك وبيني
تذكرت السنين اللي مضت وايامنا العذرى
تذكرتك وكثر الشوق يقتلني ويحييني
تذكرتك ودمع العين فوق الخد له مجرى
تذكرتك وطيفك من عنا الغربه يسليني
تذكرتك وخوفي من الزمن وايامه الغدرى
اخاف الوقت ياخلي على غفله يبكيني
انا يابنت مثل التايه اللي يطوي الصحرى
على كل الجهات اشوف دربي ما يوديني
او اني كني الساري بليله ما بها قمرى
ظلام صعب وانجوم السما عيت تقديني
انا في قلبي احزان الزمان ولوعة حيرى
وانا خوفي من المستقبل المجهول يشقيني
وانا خوفي عليك ومنك وانتي بالعذاب ادرى
يدوم الوصل ولا ندفنه بيديك وايديني