ابعد عن اهل الحسد واهل الحقاره=وشلك من اصحاب الوجوه البشاعه
الجار قوّمنا من اول جداره=واليوم طاحت فوق راسه قلاعه
سقيته الحالي وسقاني مراره=واناشريته واكثر الناس باعه
مالي بطرد الفوت غير الخساره=بانت علومه وانكشف لي قناعه
لو ماسمعنا عزف عوده وطاره=ماكان غنينا بليلة وداعه
ولاكان وصّلناه صالة مطاره=رحلة ذهاب ولابنرجي رجاعه
لاعادها ساعه له القلب زاره=زيارته ماضن فيها شفاعه
يشب في ناره ويوقد شراره=لعب على قلبي ولعبه براعه
عادت قلوب الناس مثل التجاره=للمشترى والبيع عادت بضاعه
الطيب في بعض المواقف دشاره=والحب الاعمى تاليته القطاعه