ياروحي القلب ابتدى العمر وياك=وشلون يبعد بعد ما اصبح سجينك
الشوق كله والهنا في محياك=والقلب موته والحيا في يدينك
حياك فيني يا شقى العمر حياك=حياك فيني ما بقى من سنينك
القلب خلى الناس والكون وانحاك=سعيد دام انه رهين ابيمينك
وشلون تتناسى عيونٍ تحراك=لو غبت لحظه عن نظرها تدينك
يا كيف قلبٍ حبك اليوم يجفاك=وشلون يبعد بعد صرخة حنينك
محلى سرابك ياحياتي ومحلاك=عاشق سرابك واتحسس ونينك
خيلت بك صوره تباهي مزاياك=الشمس وجهك والقمر في جبينك
ياقلب صوتك هز فيني حناياك=ما باقي الا يخرجك من عرينك
ترجف لخل عايشٍ بك ويهواك=قال البعاد اوقلت لي معدمينك
هذا ترى قلبي توجع وينصاك=يشكي غرامٍ قام بيني وبينك
وشلون يحيا يا حياتي بلاياك=وهو حبيس او نبض دمه رهينك