الزهرانيه
صباح ومساء الخير
الحمد لله انه ندر وبم ينعدم
لكن في منظور الهمس الضيق ان الحب الصادق له شروط ومقومات
له اسس وثوابت
له نتائج حتميه ان صح التعبير

لكن يبقى النقاء يطهره


السبيه
الله بمسيك بالخير يالحبيب
ياخي مدري ليش انت تحس بالهمس وتتلمس جروحه
ومدري وش يشدني لك بس بصدق انت انسان رائع

اما الحب يا عزيزي فله قصص وروايات وله حكايات وحكايات
تقول من انحبيت ولا حبيت
ياخي العيب مو فيك فيهم
يمكن انت بمكان اللي يسكنونه كلهم عميان ما يشوفون
الا انت تحمل صفات جميله ورائعه

اما الهمس فلا ينكر ولا يتنكر
يا جماعه الهمس له بالغرام قصص عجيبه

عندما كنت في سن الطفوله الظاهر اثرت فيني القصص الغراميه والأفلام الرومنسيه
حبيت ثلاث ارباع بنات القريه بس من طرف واحد
احب واتوجد ولا حد داري عني
عسى ما تمر وحده من عندي الا على طول حبيتها وبالغلط حبيت احد الشيبان مدري يمكن صادف مروره مرور احداهن
وكنت ماغير اتميلح واتزين
مشط الوالده الله يطول عمرها اصبح مهتري من كثر ما امشط فيه
ما شاء الله علي ابلل الشعر بالماء وهات يا تسريحات مره على جنب تقول هندي
ومره من النص تقول بنقالي
مسوي سبورت بوي
وعسى ما تمر وحده بدات التنهدات والام ولاحد داري عني
بس في احدى المرات قابلت احداهن وبدات بالتنهد وتذبيل العيون وكانت تكبرني بقليل فما كان منها الا سالتني سلامات عسى مانت مريض
واخبرت الوالده اني تعب ومريض
وزين اللي ما ودوني لطبيب العائله
ما يتعامل الا بالكي اللهم يا كافي
وهكذا مررت بتلك الحقبه الجميله
ايه ايام يا ابن السبيه

تحياتي