بسم الله ابدا افكارنا حانت
وخير ما نبدا بذكر الله

ياللي لكم روح العنى مالت
للّه ياروح العنى للّه

الذكريات الحلوه لا زالت
ما انسى زمان الوصل يا بالله

اما خذو روحي بما كانت
والا اعتقوني في سبيل الله

بحق من صلّت ومن صامت
وحق من عمّر بيوت الله

لو كان ماهي دمعتي سالت
والله ما ابيّن لكم والله

انا ضروفي بعدكم شانت
والله وبالله ربي وتالله

طالت السكوت وحيرتي طالت
والعمر راح وفي امان الله

الناس هانت والحياه هانت
ولا لك الا الله ياعبد الله

دنيا علينا صالت وجالت
لكن على الدنيا يعين الله
علي السبيّه