يا الكاتب اللي يلملم كل ما بعثر
بعثرت عمرك قبل تتبعثر احلامك

ماقلت لك يوم باقي يوم تتأثر
ولابد تلعب كوابيسك على اعصابك

من عزّة النفس بالله كيف تتعذّر
اذا هدرت الكرامه ويش يبقى لك

لو قلت للذكريات الموجعه مااذكر
شريطها دائما يعرض على بالك

ومهما ضنونك على مر الزمن تكبر
تطيح كل الضنون وترجح اعمالك

وليت القلم منك يتأسف ويتعذّر
مهما تجمّل حروفه يضهر اهمالك

وفكر الادب منك يتألم ويتحسّر
شوّهت كل الرسوم اللي رسمها لك

رواية الوهم مذمومه من المصدر
لو كان صدّقت منها ما تهيّا لك

ابتشرق الشمس والاحلام تتيخر
ووجه الحقايق يبان ويكشف اسرارك
علي السبيّه