ياجماعه وش فيكم تقول ميت لكم احد الله لا يقوله
ساكتين ولازمكم الصمت
وش السالفه تعالوا باضحكم شوي


يقول لك هذا واحد شلاخ (شلاخ يعني كثير الكذب ومو اي كذب الا صواريخ)

المهم مر على واحد من ربيعه قال له خويه ترانا معزومين اليوم عند ابو فلان ودك تروح معي استانس الرجال ورحب بالفكره قال خلاص بعد المغرب مرني ونروح سوا

راحو بعد المغرب وهو يوصيه قال شوف انت رجال شلاخ ونصباتك ترى مو كل واحد يصدقها انتبه لا تفشلنا مع الرجاجيل قال ابشر بس انا ترى احيانا ما امسك نفسي اتحمس واقول بدون شعور قال ماعليه ابتلشنا فيك وش نسوي بس شوف لا اشرت لك معناها كبيره لا تقولها
قال طيب يوم وصلوا عند الربع سلموا وتقهووا وبدت السوالف وسالفه تجر سالفه الين اخونا الشلاخ ماقدر يمسك نفسه وهو يمسك سالفة الصيد خويه عرف الشلخه على طول وهو يسولف ويطالع خويه قال ذاك اليوم انا وابو فلان رايحين البر نصيد وحنا نشوف ذاك الأرنب على مسافة 7 كيلو (زرقا اليمامه) قال وحنا نصوب البندق عليه وهو يشر له خويه قال وهي ماتوصل له البندق قال وحنا نقرب عنده تقريبا 3 كيلو وحنا نصوب البندق ويشر له خويه قال وهي ماتجيه قال وحنا نقرب عنده يعني 800 الى 700 متر طالع خويه ما اشر له قال
وانا انقز عليه وامسكه


خلاص