صح اللسان الجزل واهل اليمه=لوقال الاول جزل قال الثاني
انا اشهد انه يذهل اهل الرمه = ومن حقل حتى داعية جيزاني
يابن الجنوب وناسنا ملتمه =ودي نجاري قافك البطراني
دام ان نفسك بالهوى مهتمه=شب الحطب والقابله تلقاني
حمص لنا القهوه وهيل وهمه=جر الربابه جرة البدواني
اشوف روحك ياولد منسمه =كنك من العشقه على كثاني
مالوم انا الولهان والاغمه=وقيس من ليلى ركبه جناني
هاتك على المحراف لين ننتمه=ووسع الخاطر مع القيفاني
راع الهوى لو صاحبه مادمه =يبات فاللوعات والاحزاني
ورده دوى وبراعمه في كمه=من شم ريحه صار له ولهاني