ياطول حرماني







يا طول حرماني.. عيوني تراعيـك
وعن ما تريد الروح..تقصر يدينـي

حتى الحكي..مااقدر مع الناس احاكيك
قـد حالـوا الحسـاد بينـك وبينـي

مايتركونك لحظة اللى.. وانا اجيـك
وابدي لك تكره شوفتي .. او تبينـي

هو انت مثلي.. هايمات .. ضواميك
على حياضي..غـادي لـك حنينـي

او ان قلبـك مـع حبيـب مهاويـك
يسقيك خمـر الحب..يانـور عينـي

اما قصرت ارشاي.. معادلـي فيـك
والياس في الدنيا.. حدى الراحتينـي

والا وردت.. ودست بالرجل حاميك
والصادق اللى بس ..دونـك يجينـي