جفولتي
جفولتي تجفل من النبض في القلب
وتفـز لي وتـقـول نبضـك يصحي
قلت إعذري مجنون كله غدى حب
هذا بعض ماعنـد همي وجرحي
***
مجنون فيكي والعقل ماخذ الذنب
عقلي معك كنه يبي يشوف ذبحي
غديت أمشي في هبوبك إذا هب
وانتي ولا انتي تسمعيني وبوحي
***
يانيره.. نورك لحق آخر الغرب
نــورك ولا يحتــاج يا إنتي مدحي
تضوين يطلع من سنا نورك العشب
وشلون قلبي .. إنتي يا إنتي إصحي
***
ياجنة احساسي ويانهري العذب
ياسري انتي وصرختي وكل بوحي
بعدي في هذا الكون أي حب هو كذب
أنا ختـــام العشــق ياكل روحي
................