فارقت مـن لاكـان ودّي أفارقـه
عقب الصلاة وتوّها الشمس شارقه


الفجر يوم الناس تسعـى لرزقهـا
أنا عيوني بازرق الدمـع غارقـه


بكى وأنا أبكي يوم وقّفت أودعـه
والكل منّا يـذرف دمـوع حارقـه


سلّمت ويدينـي بياديـه ترتجـف
ويديه بيديني من الخوف عارقـه


وأقفا وأنا قفيت والصمت حيلتـي
عز الكلام ودمعة اليـاس فارقـه


وحسّيت كن القاع حدري تزلزلـت
يوم ألتفتلي وأستهلّـت غوارقـه


سرقت من دنيـاه لـذّات دنيتـي
برضاي سارقني وبرضاه سارقـه


همّي وهوجاسي وحبي وغيرتـي
للي بوسط القلب ناصـبٍ بيارقـه


وعوّدت للمطلاع حزيـنٍ ملتجـي
والقلب مّني طارق الهـم طارقـه


ضلعٍ ورا المطلاع شوفه يريحنـي
عسا الحيـا يسقيـه لالاح بارقـه


كتبت في عاليه حرفـي وحرفهـا
ورسمت قلب الحب والسهم خارقه


ذكرى غرام مات من قبـل ينولـد
بفراق من لا كـان ودي أفارقـه