صبحكم الله بالخير
توي صاحي من النوم وياني حلمت لكم حلمين ياهم حلمين ياجماعه شي
رأيت في ما يراه النائمون ان الدوله الله يسلمكم عطتني منحت ارض انا وعلي السبيه وصقر الجنوب وابو ريان وواحد مدري منهوومشهور الله يمسيهم ويصبحهم جميع بالخير
عادشوفوا الأراضي فين عطوني ارض في الربع الخالي يحدني من الشمال ابو ريان ومن الجنوب صقر الجنوب ومن الشرق ابو ياسر ومن الغرب الي مدري منهو ذاك ومشهور الله يصبحه بالخير شفته حاطينه على طعس ومسوين له مادري هي فله هي كوخ الله العالم انه كوخ وقاعد بس يصيح علينا ارفعوا الردميه حطوا ذاك ولا عاجبه في اراضينا شي المهك بدينا نبني واكتشفت ان الأرض حقتي مالها طريق ابدا وانا اروح للبلديه زعلان وكيف باوصل للبيت وانا بنيت ومن ها السوالف قالوا انت طقطق على البنيان لين توصل الشوارع والأناره عام 1499هجري وحنا بعدين نسوي لك انزال على البيت بيدربوني مظلات وصاعقه الحقيقه ماقصروا وانا اطلع زعلان واروح حق مشهور الله يبارك فيه اشتكي له ساير رادرا فوق وهو يزعل علي ويدفني من عند صومعته الا انا محظر تحت السرير واتعوذ من السبيه واقوم اصلي واعود ارقد
وانا نايم مادري هو حلم مادري كابوس مادري هي خيالات ليليه المهم الا اشوف اني قاعد عند الكمبيوتر الا وسوق الأسهم ماشي 200 كم/س ويواصل الين وصل 20000 نقطه ( هين ولا مع الأناره حقت الأرض.....)
واجي احوس ابابيع الأسهم الخسرانه كلها والا السوق قفل ايه ماهو انا قاعد ابني في الربع الخالي لو اني نايم اشوي بدري بس اخ وانا ادعس في الكي بورد ابغى ابيع واضرب الا صامخ اخوي على عينه وهات ياصياح واخذت الفلكه المعتاده بعد الأحلام من الوالده الله يمسيها بالخير وانا اعود ارقد.
والله ياهي احلام صدق
تحياتي