ممكن تزيّني الشوربة بعيدان نعناع أخضر

النهارده هنقدم لكم طريقة عمل شوربة العدس على الطريقة التركية..


شوربة العدس على الطريقة التركية
المقادير:
كوب عدس
ملعقة صلصة طماطم
3 ملعقة كبيرة زبدة
2 بصلة مفرومة
2 مكعب مرقة
ثمرة بطاطس
ثمرة طماطم
4 فص ثوم
4 كوب ماء
ملح و فلفل
ثمرة جزر
نعناع

الطريقة:
1- اغسلي العدس كويس، وحطيه على نار متوسطة مع الماء، وقطعي البطاطس والجزر مكعبات صغيرة، وضيفيهم للعدس مع بصلة واحدة والتوم، ولما يبدأ يغلي حطي مكعبات مرقة الدجاج، وافضلي قلبيها طول الوقت علشان متكلكعش، ولما يقرب يستوي ضيفي الملح والفلفل، واضربيه في الخلاط، وبعد كده صفّيه في الحلة.

2- حمّري البصل الباقي مع الزبدة في طاسة، وضيفي عليه النعناع المفروك، والطماطم المقطعة في الآخر خالص لمدة 3 دقايق.

3- ضيفي الخليط ده على الشوربة وقدميها سخنة، وممكن تقّدمي معاه عيش محمص.. وبالهنا والشفا.