هلت دموع العين عند الوداع
وارسلت دموعها شوق وحنين
قال ودع ما يفيد الامتناع
الشقي مقسوم مير الله يعين
يا حسايف وقتنا والعمر ضاع
نجتمع يومين والفرقا سنين
**********************
حرام تحرمني من الصوت والشوف
وحرام تذبحني بزهرة شبابي
وحرام تقطف وردة الحب بسيوف
وحرام تهجرني وتطير صوابي
لا تبتعد عني ترى القلب مخطوف
ما بقى الا الجسم داخل ثيابي
***************
يا صاحبي عسى ربي يخليك
ارفق بقلبي وارحمه يا حياتي
ارحم غريق في غرامك يراعيك
بعدك عذاب وشوف زولك غناتي
بين العرب لساني دوم يطريك
وماظن ينسى من يسوي سواتي
متعلق قلبي يودك ويغليك
وعسى غلاكم ما يسبب وفاتي
**********************
شخصن تتلاشى صورته
بعد فرقاه
وشخصن تموت بصورته
مانسيته
وشخصن تباشر بالمطر
يوم تلقاه
ولو في يدك تعطيه عمرك
عطيته
********************
اشياء كثيرة ما تخليني
انساك
اعيشها واطرد بقايا
سرابك
لك ذكريات باقية
لو فقدناك
صوتك وضحكاتك
وكلمة هلا بك
حتى المكان اللي شهد
يوم لقياك
للحين يبكي من سبايب
غيابك
******************
اخطيت في البعد
كيف اخطيت
اخطيت يا قرة اعياني
افرض ولو كنت انا زليت
تبعد وتصبح علي جاني
يا غاية القلب ما حسيت
ما شفت همي واحزاني
ما شفت حالي كيف امسيت
ما شفت دمعي على اوجاني
*********************
يا سيدي بالحب والحب
سيدك
يا بعد من حبيت روحي
تناديك
لو ابتعدت سنين شوقي
يعيدك
مرساك قلب كل ما به
شواطيك
يا ليتني بسمة فرح
تضمني بيدك
وعيني تباريك
مهما نقصك الشوق
روحي تزيدك
ومهما ضما قلبك من الحب
برويك
*******************
كلما اسمع كيف حالك
ينقبض جفني على دمعة
تقول الحال دمع ومهزله
وابلع العبرة واقول
بخير والهم انجلى
وآخر الهرج اتلعثم فيه
وانفض اوله
ليش غبت وانته اللي غيرك
ما ملى عيني الا همس صوتك
في زمان البلبله
**********************
قالوا حبيبك يقرا الشعر
قلت ايه
يقراه بعيوني قبل
تسمعونه
لولاه حتى طاري الشعر
مابيه
لكن كتبته لاجل خاطر
عيونه
اكتب لغيره والقصايد
تجي فيه
كن القصايد حالفه
ما تخونه
******************
لمت نفسي ولامني وقتي
معاك
اشتكي من هم وابكي
من الم
يا خطاي اللي توافق
مع خطاك
لا سلم حبي ولا حبك
سلم
انت اعز الناس ما تجهل
غلاك
معتقد هالحب ياتي
من عدم
كل ما مروا علي هذا
وذاك
كلهم لا شي وانت بس
المهم
***************************************
وهذي مجموعه جديده اهداء لاعضاء المنتدى
وخاصه المتميز & a zanbil