السلام عليكم ورحمةالله وبركاته

لمحبي ومتذوقي الشعر وعذوبته اخترت لكم قصيده من

روائع القصائد وان شاء الله تحوز على اعجابكم



الله مخيرني غلاك ورحيلك .... واخترت انا حبٍ يطيل البعايد

يا كيف ابرجي في خفوقي مقيلك.... مدام طيفك صار هم ونكايد

الله وكبر وين وعدك وقيلك؟ .... طال التجافي بين جرح الصدايد

القلب مورف ويتعوض بديلك .... يومك سخيته مثل باقي الزهايد

والدرب تعرف فيه منهو خليلك؟.... ولي درب مع قلبٍ شراني وكايد

لا تحسب اني بعد صدك بجي لك !.... بعض الحكي ماترجي منه الفوايد

بانت علامة قلب ثاني يحيلك .... اترك قديمك والتهي بالجدايد!

الله معك والقلب جرحه يخيلك .... غاديك تذكر طيفنا في الشدايد

وأن مايجي حبي على طرح خيلك.... ماعاش مركاضك ولو كان كايد!!