الشوق فضاح وانا ستري اشواقي
وامر المحبه لزوم السمع والطاعه
والقلب ماله من اهداب الهوى واقي
رماه سهم الغرام وزادت اوجاعه
والليل مرباع كود و كود ينطاقي
لما شريت السهر من عين من باعه
في عالم الحب ما للعهد ميثاقي
كل المواعيد حيرانه و ملتاعه
في عالم الحب لاماضي ولاباقي
كل الدقايق تقف في عقرب الساعه
قلبي قوافي شعر واحروفي احداقي
قصيدتي ترجمه للحال و اوضاعه
لو ما كتبت القصايد ماتت اوراقي
وكفَن الحبر معنى القاف و ابداعه
اكتب والابيات غصب و طوع تنساقي
غصبً تجيني وغصب تسير طواعه
كل القصايد جروح و بعد و فراقي
كل المعاني لباب الوصل طماعه
فارق عيوني وهو في داخل اعماقي
ولا قدرت احتمل فرقاه و وداعه
شعر\علي السبيه