ابشر
أبشر ..
أبشر أزيد الجرح واجفل واخليك ..
واعاقب الافراااح لو هي قليلة ..
ما عندي والله قلب دايـم يهنيك ..
تعذيب نفسك .. فرحتي كل ليلة ..
***
إللي وصل لك من رضا كان يكفيك ..
قوم احمد الله هذا رزقك وشيله ..
اللي في قلبي شي ما هوب يعنيك ..
من انت حتى تقول: انا بجي له ..
***
أسقيتني حبك عسى الله يغنيك ..
وبسقيك همي والجروح الأصيلة ..
روَح أبد لاشي هاليـوم يلهيك ..
روَح قبل مالدرب حنا نهيله ..
***
أهديتك أجروحي ولاهي بتدميك ..
أهديتك الترهيب يخوف قبيله ..
أهنت حبك مانفع الله يهديـك ..
بهديك أنا الفرقى وروحك ذليلة ..
***
روض عيونك لا يجي شي يبكيك ..
ترى الجروح قدام قلبك طويلة ..
وانته خبير الهم .. والهم يحميك ..
هذا نديمك في الليـالي العليلة ..
***
بريحك من فرحتي ثم ما اخفيك ..
أنا اتـلـذذ بالـمـحـبة القتيلة ..
خلاص ودعتك عسى الرب يبقيك ..
عبرة لمن يعشق وعنده فضيلة ..
******