أنا قلبي لك .. غريبٍ في بلاده=الشوارع .. والمباني .. ليلها حالِك سواده
والبشر تطلب غريب الدار تسجيل الإفاده=وإنتي اللي لو سكبتي الريق في بحر النكاده
أنقلب سكر زياده .. غير قابل للإعاده=بسّ أنا محروم .. والمبدع غريبٍ في بلاده
**
بين سجّاتي وعبراتي تعلّمت السكوت=
علّميني كيف أموت ؟=
وعلّميني قبل ساعاتي تفوت=
كيف سبّابة يميني ترتفع وقت الشهاده=أول أيامي تمرّد ... وآخر أيامي قراده
كيف مدري كيف؟=لا لا كيف هذي ..مثل طعنة سيف
من فارس قبل كبوة جواده=مابقلبه شي من كلمة (هواده)
هوّ أنا لحظة وفاتي ..والبكاء حولي وزحمات العياده=
ليش حبك مايموت .. وينولد فيني ولاده=
وليش قلبك في سبات وليش عيني ماتبات؟=
وليش مستغرق بنومك ( نومة الظالم عباده )=
**
علّميني يوم سمّوني حماده=وإنتي بحلقي قلاده
ليش عذبني غرامك=وأنحرمت من السعاده
ياغريبٍ في بلاده=ينتظر لحظة بُعاده
لين صار الحزن عاده=لين صار الحزن عاده
علميني كيف أموت .. وقبلها وشلون أنام=وكيف لاحطّيت راسي .. تجلب النوم الوساده
علميني كيف أموت .. وليش أنا جلد وعظام=وعلميني ليش أنا عندك غريبٍ في بلاده؟
غريبٍ في بلاده=
غريبٍ في بلاده=
غريبٍ في بلاده=
**
شعر / المبدع ....