لاتشتكي للناس إلى ضاق بالك
الناس ماتملك مسرة ولاباس
على عظيم الشان وجه سؤالك
وعليك بالعليا وعش رافع الرأس
الناس مثلك حالهم مثل حالك
والكل من مر الليالي شرب كاس
والوقت يالعارف لو أنه صفا لك
بكره يجي صافيه بالطين منحاس
ساعة طلع ربحك على راس مالك
وساعة تودي بالخساير والإفلاس
ولاتحسبن إنك بالتعاسة لحالك
أعلم ترى عايش معك بالشقى ناس
ولا ، لاتكبر لو نجوم السما لك
ملكك على قدك من الشاش بقياس
العمر لو طالت لياليه هالك
مايختلف ميعاد قباض الأنفاس
الموت عنك مايصده حلاالك
لو الجواهر في تصرفك والماس